Breaking-newsताज्या घडामोडीपिंपरी / चिंचवड

पिंपरी विधानसभेत ५१.२९ टक्के मतदान;चिंचवड विधानसभेत ५६ टक्के मतदान तर भोसरी विधानसभेत ६१.१४ टक्के मतदान

पिंपरी : पिंपरी विधानसभा निवडणुकीत नेहमीप्रमाणे कमी मतदानाची टक्केवारी समोर आली आहे. या निवडणुकीत ५१.२९ टक्के एवढे मतदान झाले आहे. त्यामुळे पिंपरी विधानसभेत पुन्हा अण्णा बनसोडे आमदार होणार की सुलक्षणा शिलवंत यांची लॉटरी लागणार याची उत्सुकता शिगेला पोहोचली आहे.

पिंपरी विधानसभा मतदारसंघात सकाळी नऊ वाजेपर्यंत ४.०४ एवढे मतदान झाले होते. ११ वाजेपर्यंत ११.४६ टक्के मतदान, दुपारी १ वाजेपर्यंत २१.३४ टक्के मतदान झाले. दुपारी ३ वाजेपर्यंत ३१.५८ टक्के मतदान झाले. तर सायंकाळी ५ वाजेपर्यंत ४३.३६ टक्के मतदान झाले असल्याची माहिती निवडणूक अधिकारी यांनी दिली आहे.

चिंचवड विधानसभा मतदारसंघात सुरुवातीला दिसणारी तिरंगी लढत मात्र दुरंगीच झाल्याचे चित्र दिसत आहे. महायुतीचे शंकर जगताप आणि महाविकास आघाडीचे राहुल कलाटे यांच्यातच थेट सामना झाला असल्यास बोललं जात आहे. त्यामुळे या मतदारसंघात जगताप पॅटर्न चालणार की कलाटे बाजी मारणार याकडे सर्वच राजकीय वर्तुळाचे लक्ष लागले आहे. चिंचवड विधानसभा मतदारसंघात सरासरी ५६ टक्के एवढे मतदान झाले असल्याची माहिती निवडणूक विभागाकडून देण्यात आली आहे.

मतदार संघात सकाळी सात वाजल्यापासून मतदारांच्या लांबच्या लांब रांगा लागल्या होत्या. नऊ वाजेपर्यंत ६.८० टक्के एवढे मतदान झाले आहे. तर ११ वाजेपर्यंत १६.९७ टक्के मतदान झाले होते. दुपारी १ वाजेपर्यंत २९.३४ टक्के मतदान झाले आहे. दुपारी ३ वाजेपर्यंत ४०.४३, तर सकाळी ५ वाजेपर्यंत ५०.०१ टक्के एवढे मतदान झाले होते.

भोसरी विधानसभा मतदारसंघात ६१.१४ टक्के एवढे मतदान झाले असल्याची माहिती सूत्रांकडून मिळत आहे. गेल्या पंचवार्षिक मध्ये भोसरी विधानसभेत ६५.६१ टक्के एवढे मतदान झाले होते. आता मतदानचा घसरलेला टक्का नेमका कोणाच्या फायद्याचा ठरणार हे २३ तारखेला स्पष्ट होणार आहे.

भोसरी विधानसभेत महायुतीचे महेश लांडगे आणि महाविकास आघाडीचे अजित गव्हाणे यांच्यात थेट लढत झाली होती. ही लढत अत्यंत चुरशीची ठरली होती. ६१.१४ टक्के एवढे मतदान झाले असल्याची माहिती सूतकडून मिळत आहे. दरम्यान गेल्या विधानसभा निवडणुकीत या मतदारसंघात ६५.६१ टक्के एवढे मतदान झाले होते आता झालेले कमी मतदान नेमके कोणाच्या फायद्याचे ठरणार हे शनिवारी दि. २३ रोजी स्पष्ट होणार आहे.

भोसरी गावठाण परिसर तसेच समाविष्ट गावात सकाळपासूनच मतदानासाठी मतदारांच्या लांबच्या लांब रांगा लागल्या होत्या. नऊ वाजेपर्यंत ६.२१ टक्के एवढे मतदान झाले होते. अकरा वाजेपर्यंत १६.८३ टक्के मतदान झाले.  दुपारी १ वाजेपर्यंत ३०.४१ टक्के मतदान झाले. दुपारी ३ वाजेपर्यंत ४३.१६ टक्के मतदान, तर सकाळी ५ वाजेपर्यंत ५५.०८ टक्के मतदान झाले.

Job AlertJob Alert Job Alert Job Alert Job Alert

Related Articles

Leave a Reply

Your email address will not be published. Required fields are marked *

Back to top button