राजकारण आणि समाजावर बोट ठेवणारे विजयचे 5 ब्लॉकबस्टर चित्रपट, ज्यांनी समाजाला दिला मोठा संदेश
Tamil Nadu Assembly election results 2026: विजयने अधिकृतपणे सिनेसृष्टीला अलविदा करत राजकारणात नवी इनिंग सुरू केली आहे. त्याच्या पक्षाचे नाव Tamilaga Vettri Kazhagam (TVK) असून, पक्षाने त्याला पेरंबूर आणि त्रिची ईस्ट या मतदारसंघांतून उमेदवारी दिली आहे. सध्या सुरू असलेल्या निवडणूक ट्रेंड्समध्ये विजयचा पक्ष तमिळनाडूमध्ये सर्वात मोठा पक्ष म्हणून उदयास येण्याची चिन्हे दिसत आहेत.
दरम्यान, विजयचा अखेरचा चित्रपट Jana Nayagan 8 मे रोजी प्रेक्षकांच्या भेटीला येणार आहे. या चित्रपटानंतर विजय पूर्णवेळ राजकारणात सक्रिय होणार असल्याची चर्चा रंगली आहे. राजकारणात प्रवेश करण्यापूर्वी विजयने अनेक हिट चित्रपट दिले, ज्यांनी त्याला ‘थलापती’ हा सुपरस्टार दर्जा मिळवून दिला. त्याच्या काही महत्त्वाच्या चित्रपटांचा आढावा घेऊयात.
हेही वाचा – ‘नसरापूर प्रकरणी आरोपीस फाशीच्या शिक्षेसाठी प्रयत्न’; मंत्री आदिती तटकरे
- Sarkar (2018) हा एक दमदार पॉलिटिकल ड्रामा चित्रपट आहे. निवडणूक प्रक्रियेत होणाऱ्या गैरप्रकारांवर प्रकाश टाकत एका मताचे महत्त्व अधोरेखित करणारी ही कथा प्रेक्षकांना विचार करायला भाग पाडते. विजयने परदेशातून परतलेल्या कॉर्पोरेट प्रोफेशनलची भूमिका साकारली आहे, जो मतदान व्यवस्थेतील त्रुटींना आव्हान देतो.
- Mersal (2017) कमर्शियल आणि सामाजिक विषयांचा उत्तम संगम असलेला हा चित्रपट आहे. विजयने डबल रोल साकारत आरोग्य व्यवस्थेतील वाढत्या खर्चावर आणि असमानतेवर प्रश्न उपस्थित केले. या चित्रपटाने समाजावर प्रभावी भाष्य केले.
- Thuppakki (2012) हा एक अॅक्शन थ्रिलर चित्रपट असून राष्ट्रीय सुरक्षा आणि दहशतवादाविरोधातील लढ्याचा संदेश देतो. विजयने आर्मी ऑफिसरची भूमिका साकारत देशभक्ती आणि जबाबदारीची जाणीव प्रेक्षकांपर्यंत पोहोचवली.
- Master (2021) क्राइम थ्रिलर शैलीतील या चित्रपटात तरुणांमधील गुन्हेगारी प्रवृत्ती आणि मार्गदर्शनाच्या अभावाचे परिणाम दाखवले आहे. सिस्टममधील त्रुटी आणि मेंटरशिपचे महत्त्व अधोरेखित केले आहे.
- Kaththi (2014) विजयच्या कारकिर्दीतील सर्वाधिक प्रभावी चित्रपटांपैकी एक. शेतकऱ्यांच्या आत्महत्या, पाणी आणि जमीन यांवरील कॉर्पोरेट ताबा अशा गंभीर मुद्द्यांवर हा चित्रपट भाष्य करतो. विजयचा डबल रोल शोषणाविरुद्ध लढा देणारा ठरतो.
बालकलाकार म्हणून सुरुवात करून जवळपास 69 चित्रपटांमध्ये काम करणाऱ्या विजयने दक्षिण भारतीय चित्रपटसृष्टीत आपला ठसा उमटवला. आता तो पूर्णवेळ राजकारणात उतरला असून त्याच्या पक्षाची वाढती लोकप्रियता लक्षवेधी ठरत आहे.
