भाजपकडून राज्यसभेसाठी तीन उमेदवारांची घोषणा ; एका मुस्लिम उमेद्वाराचाही समावेश
Rajya Sabha elections : भाजपने जम्मू आणि काश्मीरमधील द्वैवार्षिक राज्यसभा निवडणुकीसाठी आपल्या उमेदवारांची नावे घोषित करत अधिकृत यादी जाहीर केली आहे. दरम्यान, जम्मू आणि काश्मीरमधील सत्ताधारी नॅशनल कॉन्फरन्सने शुक्रवारी राज्यसभा निवडणुकीसाठी आपल्या तीन उमेदवारांची नावे जाहीर केली आणि चौथ्या जागेसाठी काँग्रेसशी वाटाघाटी सुरू असल्याचा दावा केला.
भाजपच्या केंद्रीय निवडणूक समितीने रविवारी एक निवेदन जारी करून, “पक्षाने जम्मू आणि काश्मीरमधील तीन वेगवेगळ्या द्वैवार्षिक निवडणुकांसाठी आपल्या उमेदवारांची नावे जाहीर केली आहेत. अधिसूचना १ अंतर्गत, भाजपने एका राज्यसभेच्या जागेसाठी गुलाम मोहम्मद मीर यांना नामांकित केले आहे” असे म्हटले आहे.
भाजपच्या प्रेस रिलीजमध्ये,”अधिसूचना २ अंतर्गत, राकेश महाजन यांना एका राज्यसभेच्या जागेसाठी नामांकित करण्यात आले आहे.असे म्हटले आहे. अधिसूचना ३ अंतर्गत, सतपाल शर्मा यांना दोन राज्यसभेच्या जागांसाठी मान्यता देण्यात आली आहे. ही घोषणा राष्ट्रीय सरचिटणीस आणि मुख्यालय प्रभारी अरुण सिंग यांनी जारी केली आहे.
हेही वाचा – ‘महायुती की स्वबळ? स्थानिक निवडणुकांसाठी निर्णयाचे अधिकार स्थानिक पदाधिकाऱ्यांना; मुख्यमंत्र्यांची माहिती
विधानसभेतील त्यांच्या ताकदीच्या आधारे,नॅशनल कॉन्फरन्सला तीन जागांवर आघाडी आहे, तर भाजपला एका जागी आघाडी आहे. नॅशनल कॉन्फरन्सने तीन जागांसाठी आपले उमेदवार जाहीर केले, तर सत्ताधारी पक्षाने चौथ्या जागेसाठी काँग्रेसशी चर्चा सुरू असल्याचा दावा केला.
जम्मू-काश्मीरच्या राजकारणासाठी या निवडणुका महत्त्वाच्या मानल्या जातात. भाजपने राज्यसभेत आपले स्थान मजबूत करण्यासाठी या तीन उमेदवारांवर विश्वास व्यक्त केला आहे. त्यांच्या विजयामुळे पक्षाला प्रादेशिक उपस्थिती आणि संसदेत प्रतिनिधित्व वाढविण्यास मदत होईल.
