Breaking-newsTOP News । महत्त्वाची बातमीआंतरराष्ट्रीयताज्या घडामोडी

“२५०% टॅरिफची धमकी देऊन भारत-पाक युद्ध थांबवले”; अमेरिकेचे राष्ट्राध्यक्ष डोनाल्ड ट्रम्प यांचा पुन्हा दावा

Donald Trump | एप्रिल २०२५ मधील पहलगाम हल्ल्यानंतर भारत आणि पाकिस्तान यांच्यात उद्भवलेली युद्धसदृश परिस्थिती अमेरिकेच्या हस्तक्षेपामुळेच निवळल्याचा दावा अमेरिकेचे राष्ट्राध्यक्ष डोनाल्ड ट्रम्प यांनी पुन्हा एकदा केला आहे. दोन्ही देशांवर तब्बल २५० टक्के आयात शुल्क (टॅरिफ) लादण्याची धमकी दिल्यानंतरच दोन्ही बाजूंनी गोळीबार थांबवला आणि युद्ध टळले, असा खळबळजनक दावा ट्रम्प यांनी केला असल्याचे वृत्त ‘रॉयटर्स’ने दिले आहे.
भारत आणि पाकिस्तान यांच्यातील संघर्षाचा संदर्भ देताना ट्रम्प म्हणाले, “हे दोन्ही देश अण्वस्त्रसज्ज असल्याने हे युद्ध अत्यंत गंभीर वळण घेऊ शकत होते. अशा वेळी मी दोन्ही देशांच्या नेत्यांना थेट बजावले की, ‘जर तुम्ही हे असेच सुरू ठेवले, तर तुम्हाला अमेरिकेसोबत कोणताही व्यापार करता येणार नाही. मी तुम्हा दोघांवरही २५० टक्के इतके प्रचंड आयात शुल्क लादेन.’ या कडक इशाऱ्यानंतर दोन्ही देश नाराज झाले, संतप्तही झाले; मात्र त्यांनी गोळीबार थांबवला आणि हे युद्ध थांबले.”

हेही वाचा

आपल्या भाषणात ट्रम्प यांनी या संघर्षादरम्यान दोन्ही बाजूंची मिळून ११ विमाने पाडण्यात आल्याचाही उल्लेख केला. मात्र, ही विमाने नेमकी कोणाची होती किंवा याबाबतचे अधिकृत तपशील काय, याबाबत त्यांनी कोणतीही स्वतंत्र पुष्टी किंवा पुरावा दिला नाही. “मी अशी अनेक युद्धे थांबवली असून, हे करण्याचा मान मिळणे ही माझ्यासाठी सन्मानाची बाब आहे,” असेही ते म्हणाले.

भारताकडून मध्यस्थीचे दावे नेहमीच फेटाळले

भारत आणि पाकिस्तानमधील तणाव कमी करण्यासाठी आपणच पुढाकार घेतल्याचा दावा ट्रम्प यांनी यापूर्वीही अनेकदा केला आहे. मात्र, भारताने नेहमीच कोणत्याही तिसऱ्या देशाच्या मध्यस्थीची शक्यता स्पष्ट शब्दांत फेटाळून लावली आहे. भारताच्या भूमिकेनुसार, पाकिस्तानसोबतच्या लष्करी कारवाया आणि तणावाबाबतची चर्चा ही दोन्ही देशांच्या लष्करी यंत्रणांमध्ये (DGMO पातळीवर) थेट झाली होती. त्यामुळे ट्रम्प यांच्या दाव्यांमध्ये आणि भारताच्या अधिकृत भूमिकेत मोठी तफावत असल्याचे स्पष्ट होते.

महाईन्यूज-X वर फॉलो करा : महाईन्यूजला instagram वर फॉलो करा

Job AlertJob Alert Job Alert Job Alert Job Alert

Related Articles

Leave a Reply

Your email address will not be published. Required fields are marked *

Back to top button
Join WhatsApp Group