एसटीसाठी रितेश-जेनेलिया पुढे सरसावले, दोघे एसटीचे ब्रँड ॲम्बेसेडर
मुंबई : महाराष्ट्र राज्य मार्ग परिवहन महामंडळ (एसटी) आणि परिवहन खात्यामार्फत राबविण्यात येणाऱ्या ‘रस्ता सुरक्षा अभियाना’च्या जनजागृती उपक्रमाला बळकटी देण्यासाठी माजी मुख्यमंत्री विलासराव देशमुख यांचे सुपुत्र प्रसिद्ध अभिनेते रितेश देशमुख आणि सून अभिनेत्री जेनेलिया देशमुख यांची पुढील पाच वर्षांसाठी ब्रँड ॲम्बेसेडर म्हणून नियुक्ती करण्यात आली आहे.
या नियुक्तीचा करार हस्तांतरण सोहळा आज, बुधवार २२ एप्रिल रोजी मंत्रालयात पार पडला. हा सोहळा मा. मुख्यमंत्री देवेंद्र फडणवीस यांच्या हस्ते, उपमुख्यमंत्री एकनाथ शिंदे तसेच परिवहन मंत्री व एसटी महामंडळाचे अध्यक्ष प्रताप सरनाईक आणि इतर मान्यवरांच्या उपस्थितीत संपन्न झाला. मंत्रिमंडळ बैठकीनंतर हा कार्यक्रम आयोजित करण्यात आला होता.
हेही वाचा – कोर्टाच्या आदेशानंतर विराट कोहलीच्या रेस्टॉरंटला लागलं टाळं; नेमकं काय घडलं?
एसटी महामंडळामार्फत राबविण्यात येणाऱ्या विविध जनजागृती मोहिमांना अधिक प्रभावीपणे जनतेपर्यंत पोहोचविणे, तसेच परिवहन खात्याच्या ‘ रस्ता सुरक्षा अभियाना ‘ची जनजागृती अधिक परिणामकारक करण्याच्या उद्देशाने ही नियुक्ती करण्यात आली आहे.
विशेषतः रस्ता सुरक्षा, प्रवासी जनजागृती आणि सामाजिक संदेशांच्या प्रसारासाठी या दोन्ही कलाकारांचा सहभाग महत्त्वपूर्ण ठरणार असल्याचे सांगण्यात आले आहे. रितेश देशमुख यांची नवीन चित्रपट राजा शिवाजी प्रदर्शैत होणार आहे. यापूर्वी त्याचे धमाल, हाऊसफुल चित्रपट चांगलाच बिझनेस केला होता.
