दिल्लीच्या लाल किल्ल्याजवळ कारमध्ये स्फोट! 8 ठार 3 जखमी
नवी दिल्ली: राजधानी दिल्लीतील लाल किल्ल्याजवळ आज संध्याकाळी एका कारमध्ये झालेल्या भीषण स्फोटाने परिसर हादरला. या घटनेनंतर परिसरात एकच गोंधळ उडाला आणि अफरातफरीचे वातावरण निर्माण झाले. या स्फोटात आठ व्यक्तींचा मृत्यू झाल्याचे वृत्त असून, 3 लोक जखमी झाल्याची प्राथमिक माहिती आहे. जखमींना तातडीने जवळच्या लोकनायक रुग्णालयात दाखल करण्यात आले आहे.
या घटनेमुळे परिसरात मोठी घबराट पसरली. स्फोटाचा आवाज इतका तीव्र होता की, आसपासच्या भागातील नागरिक आणि पर्यटक काही काळासाठी भीतीने जागच्या जागी थांबले. स्फोटानंतर उडालेल्या ठिणग्यांमुळे काही दुकानांचे दरवाजे आणि खिडक्या फुटल्या, तर रस्त्यावरील काही फलक आणि बॅरिकेड्सही नुकसानग्रस्त झाले.
हेही वाचा – औषध कंपन्यांनी जागतिक मानके जानेवारीपर्यंत पूर्ण करा; केंद्र सरकारचा कडक आदेश
घटनेची माहिती मिळताच अग्निशमन दलाच्या तीन गाड्या आणि पोलिसांचे पथक तात्काळ घटनास्थळी दाखल झाले. जवानांनी आगीवर नियंत्रण मिळवण्यासाठी तातडीने कारवाई सुरू केली. काही वेळातच आग आटोक्यात आणण्यात आली. या दुर्घटनेत कोणतीही जीवितहानी झाल्याचे अद्याप समोर आलेले नाही, मात्र काही वाहनांचे मोठे नुकसान झाले आहे.
स्फोटाचे कारण अद्याप स्पष्ट झालेले नाही. पोलिसांनी संपूर्ण परिसराला सुरक्षा घेर्यात घेत तपास सुरू केला आहे. बॉम्ब निष्क्रिय पथक आणि फॉरेन्सिक तज्ज्ञांना घटनास्थळी बोलावण्यात आले असून, स्फोट नेमका कशामुळे झाला याचा तपास सुरू आहे.
