‘एकनाथ शिंदे हे देव माणूस, त्यांचे निर्णय बदलू नका’, पिंपरी-चिंचवडमध्ये झळकले फ्लेक्स

पिंपरी | एकनाथ शिंदे हे मुख्यमंत्री असताना ‘आनंदाचा शिधा’, ‘तीर्थ दर्शन’ यासारख्या योजना त्यांनी सरकारच्या माध्यमातून आणल्या होत्या. परंतु, या योजनांना महायुतीच्या सरकारने ब्रेक लावला आहे. यामुळेच एकनाथ शिंदे हे नाराज असल्याच बोलल जात आहे. अशातच पिंपरी-चिंचवड शहरात एकनाथ शिंदे देव माणूस आहेत, अशा आशयाचे फ्लेक्स लावण्यात आले आहेत.

हेही वाचा  :  सोयाबीन खरेदीसाठी केंद्र सरकारकडून नव्याने मुदतवाढ नाही; पणन विभागाचे स्पष्टीकरण

पिंपरी- चिंचवड महानगरपालिकेच्या समोर, एकनाथ शिंदे हे देव माणूस आहेत, त्यांचे निर्णय बदलू नका. अशा आशयाचे फ्लेक्स लावून परिवहन मंत्री प्रताप सरनाईक यांना विनंती करण्यात आली आहे. अद्याप फ्लेक्स कोणी लावले आहेत. हे समजू शकले नाही. परंतु, एसटी कर्मचाऱ्यांनी हे फ्लेक्स लावण्याची शक्यता वर्तवली जात आहे.

महाईन्यूज-X वर फॉलो करा : महाईन्यूजला instagram वर फॉलो करा