रक्ताने पत्र लिहित केली मागणी; गोपीचंद पडळकरांच्या मंत्रीपदासाठी कार्यकर्त्यांची फिल्डिंग
- गोपीचंद पडळकरांना मंत्री करा
- कार्यकर्त्यांचे थेट रक्ताचे पत्र
- मुख्यमंत्री आणि उपमुख्यमंत्र्यांना लिहलं पत्र
नव्याने स्थापन शिंदे-फडणवीस सरकार मध्ये मंत्री पदासाठी लॉबिंग सुरू झाले आहे. सांगली जिल्ह्यातुन भाजपा आमदारांपैकी कोणाला मंत्री पदाची लॉटरी लागणार याकडे जिल्ह्याचे लक्ष लागून राहिले आहे. यामध्ये आता कार्यकर्त्यांनी उडी घेतली आहे. जत तालुक्यातील भाजपा विध्यार्थी आघाडी जिल्हा कार्याध्यक्ष पिरु कोळी आणि युवा नेते अनिल पाटील यांनी मत्रिमंडळात आमदार गोपीचंद पडळकर यांना कॅबिनेट मंत्री पद मिळावे यासाठी थेट रक्ताने पत्र लिहिले आहे. रक्ताने लिहलेले हे पत्र लिहिले मुख्यमंत्री एकनाथ शिंदे आणि उपमुख्यमंत्री देवेंद्र फडणवीस यांना पाठवले आहे. गोपीचंद पडळकर यांच्यासाठी लिहलेल्या या पत्राची चर्चा राज्यभरात आहे. आता पडळकरांची मंत्रिमंडळात वर्णी लागणार का?, हे पाहणं महत्त्वाचं ठरणार आहे.गोपीचंद पडळकर यांना मंत्रिमंडळात स्थान मिळणार असल्याची चर्चा सुरू आहे. महाविकास आघाडीविरोधात आक्रमकपणे लढणारा नेता म्हणून पडळकर भाजपमध्ये चर्चेत आहेत. तसंच, राष्ट्रवादी काँग्रेसचे अध्यक्ष शरद पवार यांना थेट आव्हान देणारा नेता म्हणूनही पडळकरांकडे पाहिलं जातं. एसटी कर्मचाऱ्यांच्या संपातही पडळकरांची भूमिका महत्त्वाची होती.