डॉक्टरांबद्दल संभाजी भिडेंचं वादग्रस्त विधान; अपशब्दांचा वापर करत म्हणाले, “डॉक्टर आपटून…”
पुणे |
शिवप्रतिष्ठानचे संस्थापक संभाजी भिडे यांनी डॉक्टरांबद्दल वादग्रस्त वक्तव्य केलं आहे. संभाजी भिडेंनी करोनाची भीती डॉक्टरांनी पसरवल्याच्या आशयाचे वक्तव्य करताना डॉक्टरांवरच निशाणा साधलाय. अमरावतीमध्ये एका कार्यक्रमाममध्ये बोलताना त्यांनी हे वक्तव्य केलंय. यावेळी त्यांनी अपशब्दही वापरलेत.
भाषणादरम्यान मास्क घालून बसलेल्या एका व्यक्तीला पाहून भिडेंनी, “तोंडावरचं काढ ते. गां* नाहीयस तू,” असं म्हटलं. त्यानंतर उपस्थित व्यक्ती हसू लागले. पुढे बोलताना संभाजी भिडेंनी, “करोना मुस्की (मास्क) बांधणं गां*पणाचं लक्षण आहे, डॉक्टरांना काय सांगायचं ते सांगू देत. डॉक्टर नालायक आहेत,” असंही म्हटलं. “डॉक्टर लुटारू आहेत. डॉक्टर हरामखोर आहेत. डॉक्टर आपटून मारायच्या लायकीचे आहेत. त्यांच्याकडे कधीही जाऊ नका,” असंही संभाजी भिडेंनी करोनासंदर्भातील वक्तव्य करताना म्हटलंय.