breaking-newsTOP Newsताज्या घडामोडीमुंबई
आदित्य ठाकरेंच्या वाढदिवसानिमित्त दहिसरमध्ये पेट्रोल, डिझेलचे मोफत वाटप
दहिसर – देशभरात पेट्रोल-डिझेलचे भाव गगनाला भिडलेले असतानाच दहिसरमध्ये शिवसेनेने चक्क 1 लिटर पेट्रोल-डिझेलचे मोफत वाटप करून वाहन चालकांना सुखद धक्का दिला. महाराष्ट्राचे पर्यावरण मंत्री आणि शिवसेना नेते आदित्य ठाकरे यांच्या वाढदिवसानिमित्त शिवसेनेने या उपक्रमाचे आयोजन केले होते.
दहिसर शिवसेना शाखा क्रमांक 1 च्या वतीने आज बोरिवली पश्चिमेकडील आयसी कॉलनी पेट्रोल पंपावर सकाळी वाहन चालकांना 1 लिटर पेट्रोल आणि डिझेल मोफत देण्यात आले. शिवसेना उपनेते आणि म्हाडाचे सभापती डॉ. विनोद घोसाळकर यांच्या हस्ते 1 लिटर मोफत पेट्रोल- डिझेलचे वाटप यावेळी करण्यात आले. याप्रसंगी नगरसेविका तेजस्वी घोसाळकर, मुंबै बँक संचालक अभिषेक घोसाळकर, उपविभागसंघटक शकुंतला शेलार, शाखाप्रमुख राजेंद्र इंदुलकर, शाखा संघटक ज्यूडीथ मेंडोसा उपस्थित होते.