हार नही मानेंगे, आता आमची वेळ आहे; खासदार संजय राऊतांचे ‘शिंदे’ गटाला ओपन चॅलेंज

‘लढाई रस्त्यावर झाली तरीही आम्हीच जिंकू. ज्यांना आमचा सामना करायचा आहे त्यांनी मुंबईत यावं. त्यांना परत येण्याची संधी दिली होती. पण आता वेळ निघून गेली आहे,’ असं संजय राऊतांनी म्हटलं आहे. आम्हाला हार मान्य नाही. आम्हीच जिंकणार असल्याचा निर्धार राऊत यांनी केला आहे. हाऊसमध्ये देखील आम्ही जिंकू असेही राऊत यावेळी म्हणाले. ‘त्यांनी अत्यंत चुकीचा निर्णय घेतला आहे. त्यांना आम्ही संधी दिली होती. मात्र, वेळ निघून गेला आहे. त्यामुळं आम्ही आता लढायला तयार असल्याचे राऊत म्हणाले. याच इमारतीमधून महाविकास आघाडीची घोषणा झाली. याच इमारतीत महायुतीचं बंधन बांधण्यात आलं. याच इमारतीमधून मी सांगत आहे की, महाविकास आघाडी मजबूत आहे. हे सरकार पुढील अडीच वर्ष पूर्ण करेल आणि पुन्हा सत्तेत येईल,’ असा विश्वास राऊतांनी व्यक्त केला आहे. आम्हाला जे करायचे ते आम्ही आता केलं आहे. शरद पवार हे देशाच्या राजकारणातील सगळ्यात मोठे नेते आहेत. त्यांचा आणि मुख्यमंत्र्यांचा संवाद सुरु असल्याचंही राऊतांनी सांगितलं.