breaking-newsताज्या घडामोडीमहाराष्ट्रराजकारणविदर्भ

उद्धव ठाकरे टोमणे थांबवत नाहीत आणि अमृता नको त्या गोष्टींवर बोलणं सोडत नाही : फडणवीस

नागपूर |

“राज्याचे मुख्यमंत्री उद्धव ठाकरे आणि माझी पत्नी अमृता फडणवीस यांच्यामध्ये एक साम्य आहे. उद्धवजी, टोमणे मारायचे सोडत नाहीत आणि माझी पत्नी अमृता नको त्या गोष्टींवर बोलणं सोडत नाही”, असं मिश्किल वक्तव्य राज्याचे विरोधी पक्षनेते देवेंद्र फडणवीस यांनी केलं. उद्धव ठाकरे आणि अमृता फडणवीस यांच्यादरम्यानच्या शाब्दिक फैरींवर देवेंद्र फडणवीस यांना प्रश्न विचारला. त्यावर त्यांनी मिश्किल उत्तर दिलं.

अमृता फडणवीस यांच्या गायनावरुन मुख्यमंत्री उद्धव ठाकरे यांनी त्यांना टोला लगावला होता. “राज्याचे मुख्य सचिव मनुकुमार श्रीवास्तव हे चांगलं गातात असं मला आदित्यने सांगितलं होतं. आजपर्यंत एकच व्यक्ती गाते, असं मला वाटत होतं,” असं म्हणत मुख्यमंत्र्यांनी अमृता फडणवीस यांचं नाव न घेता त्यांना टोला लगावला. त्यावर अमृता फडणवीस यांनीही उद्धव ठाकरेंना चिमटा काढला. मला वाटलं होतं, अब्जाधिश फक्त आपणच आहात, आता कळलं आपल्या बायकोचा भाऊ सुद्धा अब्जाधीशच आहे, असं त्या म्हणाल्या. दरम्यान, उद्धव ठाकरे-अमृता फडणवीस यांच्यात रंगलेल्या सामन्यावरच देवेंद्र फडणवीस यांना आज पत्रकारांनी प्रश्न विचारला त्यावर त्यांनी मिश्किल पद्धतीने उत्तर दिलं.

उद्धव ठाकरेंनी अमृता फडणवीस यांच्या गायनाची थट्टा केली. त्यावर अमृता फडणनीस यांनी ठाकरेंच्या मेहुण्याची चेष्टा केली, असा प्रश्न पत्रकारांनी देवेंद्र फडणवीस यांना विचारला. त्यावर फडणवीस म्हणाले, “राज्याचे मुख्यमंत्री उद्धव ठाकरे आणि माझी पत्नी अमृता फडणवीस यांच्यामध्ये एक साम्य आहे. उद्धवजी, टोमणे मारायचे सोडत नाहीत आणि माझी पत्नी अमृता नको त्या गोष्टींवर बोलणं सोडत नाही” “खरं म्हणजे मुख्यमंत्री म्हणून उद्धव ठाकरेंनी आपली पातळी उच्च ठेवली पाहिजे आणि ज्यावेळी मुख्यमंत्री एखादं वक्तव्य करतील त्यावेळी अमृता फडणवीस यांनीही त्यांना उत्तर देता कामा नये. त्यांनी अशा गोष्टी इग्नोर केल्या पाहिजेत. अर्थात काय बोलायचं काय नको, हा त्या दोघांचा प्रश्न आहे”, असंही सांगायला देवेंद्र फडणवीस विसरले नाहीत.

Job AlertJob Alert Job Alert Job Alert

Related Articles

Leave a Reply

Your email address will not be published. Required fields are marked *

Back to top button