TOP Newsताज्या घडामोडीमराठवाडामहाराष्ट्र

दुचाकीवरून घराकडे परतणार्या दोन तरुणांचा समोरून येणार्‍या भरधाव मोटारीची धडक बसल्याने जागीच मृत्यू 

जळगाव | दुचाकीवरून आपल्या गावी घराकडे परतणार्या दोन तरुणांचा समोरून येणार्‍या भरधाव मोटारीची धडक बसल्याने जागीच मृत्यू झाला. ही घटना रामदेववाडीनजीक हनुमान मंदिराजवळ घडली. रफिक हुसेन मेवाती (२३) व अरबाज जहाँगीर मेवाती (२०, दोन्ही रा. राणीचे बांबरूड, ता. पाचोरा) अशी अपघातात मत्यू झालेल्या तरुणांची नावे आहेत.

रफिक हा रोज भावंडांसोबत जळगावात पेरू विक्री करीत असे. रफिक मित्र अरबाज याच्यासोबत राणीचे बांबरूड येथे घरी जाण्यासाठी निघाले होते. शिरसोलीच्या पुढे असलेल्या हनुमान मंदिराजवळून दुचाकीने जात असताना पाचोर्‍याकडून जळगावकडे भरधाव येणार्‍या मोटारीची धडक बसली. त्यात दुचाकीवरील दोघा मित्रांचा जागीच मृत्यू झाला. अपघाताची माहिती मिळताच एमआयडीसी पोलीस ठाण्याच्या कर्मचार्‍यांनी धाव घेत ग्रामस्थांच्या मदतीने मृतदेह जिल्हा शासकीय वैद्यकीय महाविद्यालय व रुग्णालयात पाठविले. याप्रकरणी एमआयडीसी पोलीस ठाण्यात गुन्हा दाखल करण्यात आला.

अरबाज हा हातमजुरी करीत होता. पंधरा दिवसांपूर्वी त्याने मालमोटार घेतली होती. त्यानिमित्त तो औरंगाबाद येथे गेला होता. काम आटोपल्यानंतर तो जळगावात आला आणि येथून अरबाज व रफिक हे दोन्ही मित्र घरी जाण्यासाठी निघाले. मात्र रस्त्यातच त्यांच्यावर काळाने झडप घातली. रफिक याच्या मागे आई, वडील, तीन भाऊ आणि बहिणी असा परिवार आहे. गेल्या काही दिवसांपासून त्याच्या लग्नाची बोलणी सुरू होती. अरबाज याच्यामागे आई, वडील, तीन भाऊ असा परिवार आहे.

Job AlertJob Alert Job Alert Job Alert

Related Articles

Leave a Reply

Your email address will not be published. Required fields are marked *

Back to top button