Uncategorizedताज्या घडामोडीपुणे

अपघातात दुचाकिवरील दोन सख्ख्या बहिणींचा जागेवर मृत्यू

पुणे: पुणे-सोलापूर महामार्गावर कंटेनर आणि दुचाकीचा अपघात झाल्याची घटना घडली आहे. या अपघातात दुचाकिवरील दोन सख्ख्या बहिणींचा जागेवर मृत्यू झाला आहे. हा अपघात सकाळी सातच्या सुमारास घडला आहे. कदमवाकवस्ती ग्रामपंचायत हद्दीतील लोणी स्टेशन येथे हा अपघात झाला आहे.

छकुली कुमार शितोळे (वय १७) राजश्री कुमार शितोळे (वय- १० दोघीही रा. कवडीपाट, कदमवाकवस्ती, ता. हवेली) अशी अपघातात मृत्यू झालेल्या दोघींची नावे आहेत.

याबाबत मिळालेल्या माहितीनुसार, छकुली ही इयत्ता अकरावीला लोणी काळभोर येथील पृथ्वीराज कपूर मेमोरियल हायस्कूल व ज्युनियर कॉलेज तर राजश्री ही इयत्ता सहावीत शिकत होती. शनिवारी सकाळी सात वाजण्याच्या सुमारास शाळेत जात असताना लोणी स्टेशन चौकात एका कंटेनर ने दुचाकीला जोरदार धडक दिली. यामध्ये दोघींचाही चेंदामेंदा झाला व जागेवरच मृत्यू झाला आहे.

अचानक घडलेल्या घटनेने शितोळे कुटुंबावर शोककळा पसरली आहे. अपघाताची भीषणता एवढी होती की, त्या दोन सख्ख्या बहिणीनीच्या अंगावर कंटेनर गेल्याने त्यांचा त्यात चेंदामेंदा झाला. अपघातानंतर कंटेनर चालक घटनास्थळावरून फरार झाला असून पोलिसांची पथके त्याला पकडण्यासाठी रवाना झाली आहेत.

Job AlertJob Alert Job Alert Job Alert

Related Articles

Leave a Reply

Your email address will not be published. Required fields are marked *

Back to top button