मावळात नवीन कोरोना पॉझिटिव्ह रुग्णसंख्या शून्य

तालुक्यातील कोरोना बाधितांची आतापर्यंतची एकूण संख्या 32,046 झाली आहे. तर दिवसभरात एकही रुग्ण बरा न झाल्याने घरी सोडण्यात आला नाही. मंगळवारी कोरोना रुग्णांमध्ये ग्रामीण भागात एकही रूग्ण सापडला नाही. 31,519 जणांना आतापर्यंत डिस्चार्ज देण्यात आला आहे. आतापर्यंत 525 रुग्णांचा मृत्यू झाला आहे. तळेगाव नगरपरिषद हद्दीत सर्वाधिक 11,039 लोणावळा नगरपरिषद हद्दीत 5,093 व वडगाव नगरपंचायत हद्दीत 1,556 रुग्ण सापडले आहेत. शहरी भागात 17,688 रुग्ण तर ग्रामीण भागात 14,358 रुग्ण आढळून आले आहेत. एकही रुग्णाची परिस्थिती गंभीर नाही. कोरोना रुग्ण बरे होण्याचा दर 98.36 टक्के आहे तर मृत्यू दर 1.64 टक्के आहे.

सद्यस्थिती तळेगाव दाभाडे नगरपरिषद मध्ये 00 लोणावळा नगरपरिषदमध्ये 01वडगाव नगरपंचायतमध्ये 00 ग्रामीण भागात 01असे एकूण 02 रुग्ण आहेत, अशी माहिती तहसीलदार मधुसूदन बर्गे, तालुका आरोग्य अधिकारी डॉ चंद्रकांत लोहारे व कोविड समन्वयक डॉ. गुणेश बागडे यांनी माहिती दिली.