ताज्या घडामोडीमराठवाडामहाराष्ट्रविदर्भ

#ThackerayVsAwhad: आव्हाडांचं राज ठाकरेंना प्रत्युत्तर; ‘माझा चेहरा नागाचा फणा, मग तुमचा…’

जळगाव | महाराष्ट्र नवनिर्माण सेनेचे अध्यक्ष राज ठाकरे यांनी राष्ट्रवादी काँग्रेसचे नेते, गृहनिर्माण मंत्री जितेंद्र आव्हाड  यांचा चेहरा नागासारखा दिसतो, असे म्हणत टिका केली होती. राज ठाकरेंच्या टीकेला मंत्री जितेंद्र आव्हाड यांनी जोरदार उत्तर दिलंय. माझा चेहरा नागा सारखा आहे याचा मला अभिमान आहे, पण त्यांचा चेहरा कोंबडीच्या कोणत्या भागा सारखा आहे हे राज ठाकरे यांनी आरशात तपासून घ्यावे, असा पलटवार आव्हाड यांनी राज ठाकरे यांच्यावर केला आहे.

गृहनिर्माण मंत्री जितेंद्र आव्हाड चोपडा तालुक्यातील कार्यक्रमांसाठी मंगळवारी जळगाव जिल्हा दौऱ्यावर होते. यादरम्यान त्यांनी विमानतळावर पत्रकारांशी संवाद साधला. त्यावेळी आव्हाड बोलत होते.

राज ठाकरे हे उत्तम नकलाकार आहेत, इथे स्टँडअप कॉमेडियनच्या जागा खूप खाली आहेत. राज ठाकरे यांनी उपयोग करावा, अशा शब्दात जितेंद्र आव्हाड यांनी राज ठाकरे यांना टोला लगावला आहे. माझा चेहरा नागासारखा आहे असे त्यांनी नकल करून दाखवले. आहे माझा चेहरा नागा सारखा. मला त्याचा अभिमान आहे. पण त्यांच्या चेहरा कोंबडीच्या कोणत्या भागा सारखा आहे, हे राज ठाकरे यांनी आरशात तपासून घ्यावे, अशा शब्दात उत्तर देत आव्हाड यांनी राज ठाकरे यांच्यावर पलटवार केला आहे.

राष्ट्रवादी काँग्रेसचे अध्यक्ष शरद पवार हे फुले, शाहू, आंबेडकरांचे नाव घेतात, पण कधीही छ्त्रपती शिवाजी महाराज यांचे नाव ते घेत नाहीत, असे वक्तव्य राज ठाकरे यांनी ठाण्यातील उत्तरसभेत केले होते. त्यावर आव्हाड यांना पत्रकारांनी प्रश्न विचारला. त्यावर उत्तर देताना आव्हाड म्हणाले की, त्‍यांनी कधीही बहुजन समाजाचा इतिहास वाचला नाही. यांनी नेहमी पुरंदरेंचा इतिहास वाचला. ज्या पुरंदरेंनी जेम्स लेनला माहिती देऊन आमच्या जिजाऊंची बदनामी केली. ते यांचे आदर्श आहे. बाबासाहेब पुरंदरे मृत्यू पावले आहेत, म्हणून त्यांच्याबद्दल आता बोलणे योग्य नाही, पण तुम्ही आठवण करून देऊ नका.

 

Job AlertJob Alert Job Alert Job Alert

Related Articles

Leave a Reply

Your email address will not be published. Required fields are marked *

Back to top button