दोन दिवसात सहा दुचाकी, एक टेम्पो चोरीला
संदीप पोपटराव कानडे (वय 35, रा. रा. थेरगाव) यांनी वाकड पोलीस ठाण्यात फिर्याद दिली आहे. फिर्यादी यांची 20 हजार रुपये किमतीची दुचाकी अज्ञात चोरट्यांनी चोरून नेली आहे. ही घटना 14 जानेवारी रोजी रात्री सव्वाआठ वाजता उत्कर्ष चौक, वाकड येथील खानदेशी हॉटेलसमोर घडली.
संभाजी वाल्मिकी सुरेवाड (वय 39, रा. तळवडे) यांनी देहूरोड पोलीस ठाण्यात फिर्याद दिली आहे. फिर्यादी यांची 15 हजार रुपये किमतीची दुचाकी अज्ञात चोरट्यांनी चोरून नेली. फिर्यादी 15 जानेवारी रोजी सायंकाळी साडेपाच वाजता निगडी येथील लकी हॉटेलमध्ये जेवण करण्यासाठी गेले. ते साडेसात वाजता जेवण करून बाहेर आले असता त्यांची दुचाकी चोरीला गेल्याचे उघडकीस आले.
मोहन शिवाजी पाटील (वय 39, रा. मेदनकरवाडी, ता. खेड) यांनी चाकण पोलीस ठाण्यात फिर्याद दिली. फिर्यादी पाटील यांची 20 हजार रुपये किमतीची दुचाकी त्यांच्या सोसायटीच्या पार्किंगमधून अज्ञात चोरट्यांनी चोरून नेली. ही घटना सोमवारी (दि. 17) सकाळी उघडकीस आली.
प्रशांत नागरा देवाडिगा (वय 42, रा. नालबंद चाळ, चिंचवड स्टेशन, चिंचवड) यांनी पिंपरी पोलीस ठाण्यात फिर्याद दिली आहे. फिर्यादी यांची 12 हजार रुपये किमतीची दुचाकी टाटा कंपनीच्या चासी आउट गेट जवळून चोरीला गेली. ही घटना 13 जानेवारी रोजी सकाळी दहा ते रात्री अकरा वाजताच्या कालावधीत घडली.
युवराज त्रंबक गोरे (वय 43, रा. कृष्णानगर, चिंचवड) यांनी चिखली पोलीस ठाण्यात फिर्याद दिली आहे. फिर्यादी गोरे यांचा साडेतीन लाख रुपये किमतीचा टेम्पो अज्ञात चोरट्यांनी गोरे यांच्या घराजवळून चोरून नेला. ही घटना सोमवारी (दि. 17) पहाटे साडेचार वाजता उघडकीस आली.