एसटी चालकाचा हृदयविकाराच्या झटक्याने मत्यू ; कामगारांचा ‘हा’ आरोप

आंदोलक एसटी कर्मचाऱ्यांवर कुठल्याही प्रकारची कारवाई करायची नाही आणि हजर करून घेण्याचे किंवा अर्ज करण्याची गरज नाही असे आदेश न्यायालयाने दिले असताना एसटी महामंडळाने आणि महाविकास आघाडी सरकारने परिपत्रक काढून कारवाई करण्याचे जाहीर केले आहे. तसेच कांबळे यांना पाच महिन्यांचा पगारही मिळणार नव्हता. तशातच ते आर्थिक विवंचनेत होते. पुढेही याच जाचक अटी नियम आपल्या आयुष्यात अशाच कायम रहातील म्हणून त्यांच्यावर मानसिक दडपण आले होते. याच कारणामुळे त्यांना हृदयविकाराचा झटका आल्याचा आरोप कामगार संघटनांकडून करण्यात आला आहे. ही माहिती देताना आमच्यावर कारवाई होण्याची शक्यता असल्याने आमची नावे गुप्त ठेवा अशी विनंतीही या पदाधिकाऱ्यांनी केली आहे.

देविदास विठ्ठल कांबळे यांच्या पश्चात आई, वडील, भाऊ, पत्नी, तीन मुली असा परिवार आहे. मंडणगड एसटी आगारातील काही कर्मचारी व मंडणगड येथील दानशूर व्यक्तींनी आर्थिक मदतीचा हात पुढे करत शववाहिनीची व्यवस्था केली. त्यानंतर देवीदास कांबळे यांचा मृतदेह कुटुंबासह काही कर्मचारी गावी घेऊन गेले. दरम्यान, या घटनेनंतर एसटी कर्मचाऱ्यांकडून शोक व्यक्त करण्यात आला असून कर्मचाऱ्यांच्या चेहऱ्यावर या सगळ्या घटनेची चिंता स्पष्टपणे जाणवत होती.

• कसे फेडेल ठाकरे सरकार हे पाप?- भाजपचे श्रीराम ईदाते यांचा सवाल

हे ठाकरे सरकार असे एसटी कर्मचाऱ्यांचे आणखी किती निष्पाप जीव घेऊन शांत बसणार आहे? असा संतप्त सवाल भाजपचे भटके विमुक्त विभागाचे कोकण संयोजक श्रीराम ईदाते यानी केला आहे. हे सरकार निष्पाप जीवांचा बळी घेत असून त्यांच्या कुटुंबीयांचा शाप हे सरकार कुठे फेडणार, असा संतप्त सवाल त्यांनी केला आहे. या सरकारला लवकरच सुबुद्धी येवो आणि कर्मचाऱ्यांवर गेले कित्येक दिवस सुरू असलेली सुडाची कारवाई तात्काळ थांबवावी, अी मागणी श्रीराम ईदाते यांनी केली आहे.