breaking-newsTOP Newsताज्या घडामोडीमहाराष्ट्रमुंबईराजकारण

खेळ खल्लास, पर्यावरण मंत्री आदित्य ठाकरेंनी ट्विटरवरुन मंत्रिपदाचा उल्लेख हटवला!

मुंबई : मुंबई, मराठवाडा, विदर्भ, कोकण, पश्चिम महाराष्ट्र अशा सगळ्याच विभागांतून आमदार फोडून बंडखोर नेते एकनाथ शिंदे यांनी शिवसेनेला खिंडार पाडलं आहे. मातोश्रीचे संकटमोचक म्हणून ओळखले जाणारे मिलिंद नार्वेकर आणि एकनाथ भाईंचे विश्वासू रविंद्र फाटक यांनी चर्चा केल्यानंतर शिंदे यांचं समाधान झालं नाही. आम्ही दिलेल्या ऑफरवर शिवसेना नेतृत्वाने विचार करावा नाहीतर परतीचे दोर कापले आहेत असं समजावं, असा थेट निरोपच त्यांनी नार्वेकरांमार्फत उद्धव ठाकरेंना कळवला.

विविध वृत्तवाहिन्यांना दिलेल्या बाईटमधून एकनाथ शिंदे हे माझ्याजवळ ४० आमदारांचं पाठबळ आहे, असं सांगत आहेत. एकनाथ शिंदे यांनी शिवसेना खिळखिळी केल्यानंतर ठाकरे सरकारच्या स्थैर्यावर प्रश्नचिन्ह उभं राहिलं. शिंदेशाहीच्या शक्तीप्रदर्शनापुढे मुख्यमंत्री उद्धव ठाकरेही हतबल आहेत. अशातच सरकार कोसळण्याच्या चर्चा सुरु असताना पर्यावरण मंत्री आदित्य ठाकरे यांनी आपल्या ट्विटरवरुन मंत्रिपदाचा उल्लेख हटवला आहे. आदित्य ठाकरे यांनी ट्विटरवरुन बायो हटवल्यानंतर उद्धव ठाकरे मुख्यमंत्रिपदाचा राजीनामा देणार असल्याच्या चर्चांनी जोर धरला आहे.

  • एकनाथ शिंदे यांनी मात्र ट्विटरच्या बायोमधून मंत्रिपद हटवलं नाही

    एकनाथ शिंदे यांच्यासोबत शिवसेनेचे जवळपास ३२ ते ३३ आमदार आहेत. शिवसेना आमदारांना घेऊन एकनाथ शिंदे आसामच्या गुवाहटीमध्ये पोहोचले आहेत. एकनाथ शिंदे यांनी काल ट्विट करुन मी बाळासाहेब ठाकरे आणि धर्मवीर आनंद दिघे यांचा हिंदुत्वाचा विचार सोडला नसल्याचं म्हटलं आहे. आता आदित्य ठाकरे यांनी मंत्रिपदाचा उल्लेख हटवला असला तरी एकनाथ शिंदे यांनी त्यांच्या ट्विटरवरुन शिवसेनेचा उल्लेख हटवलेला नाही.
  • शक्तीशाली ‘शिंदे’शाही, ३५ ते ४० आमदारांचा पाठिंबा!

    काल एकनाथ शिंदे हे शिवसेनेच्या काही आमदारांसह सूरतमध्ये पोहोचले. तेथील ले मेरिडियन हॉटेलमध्ये एकनाथ शिंदे आणि शिवसेनेचे जवळपास ३५ आमदार होते. त्यानंतर एकनाथ शिंदेंनी मुख्यमंत्री उद्धव ठाकरेंना फोन करुन काँग्रेस-राष्ट्रवादीची साथ सोडून भाजपसोबत सरकार स्थापन करण्याची ऑफर दिली. त्यानंतर मुख्यमंत्र्यांनी मिलिंद नार्वेकर, रवींद्र फाटक यांना चर्चा करण्यासाठी सूरतला पाठवलं. मात्र ही चर्चा निष्फळ ठरली. त्यानंतर रात्री एकनाथ शिंदेसह सर्व आमदारांना एअरलिफ्ट करुन आसामच्या गुवाहाटीत नेण्यात आलं. त्यानंतर पहिल्यांदा एकनाथ शिंदे यांनी माध्यमांपुढे येत आपली भूमिका स्पष्ट केली. आम्ही शिवसेना सोडलेली नाही, सोडणारही नाही. बाळासाहेबांचा हिंदुत्वाचा विचार घेऊन पुढे जाणार, असं ते म्हणाले होते.
  • राऊत म्हणतात, ‘फार तर फार काय होईल आमची सत्ता जाईल ना?’

    तर, इकडे मुंबईत संजय राऊत म्हणाले की, ‘सध्या सुरु असलेल्या राजकीय घडामोडींमुळे जास्तीत जास्त काय होईल, आमची सत्ता जाईल ना? सत्ताही परत मिळवता येईल. पण पक्षाची प्रतिष्ठा ही आमच्यासाठी सर्वोच्च आहे. एकनाथ शिंदे हे सध्या आमच्यापासून लांब आहेत, ते जवळ आल्यावर आम्ही त्यांच्याशी बोलू. एकनाथ शिंदे हे माझे फक्त सहकारी नव्हेत तर मित्रही आहेत. आम्ही गेली ३५-४० वर्षे एकत्र काम करतोय. उद्धव ठाकरे यांच्याशीही त्यांचे असेच नाते आहे. एकनाथ शिंदे यांच्यासोबतचे आमदार प्रथम सूरत आणि आता गुवाहाटीमध्ये गेले आहेत. आमदारांनी पर्यटन करणे ही चांगली गोष्ट आहे. पण ते परत येतील, असा विश्वासही संजय राऊत यांनी व्यक्त केला.
  • एकनाथ शिंदे यांच्यासोबत बंड केलेले कोण-कोण? संपूर्ण यादी…

    1. शहाजी बापू पाटील
    2. महेश शिंदे
    3. भरत गोगावले
    4. महेंद्र दळवी
    5. महेश थोरवे
    6. विश्वनाथ भोईर
    7. यामिनी जाधव
    8. संदीपान भुमरे (मंत्री)
    9. उदयसिंह राजपूत
    10. संजय शिरसाठ
    11. रमेश बोरणारे
    12. प्रदीप जैस्वाल
    13. प्रकाश सुर्वे
    14. तानाजी सावंत
    15. किशोर अप्पा पाटील
    16. प्रकाश आबीटकर
    17. लता सोनवणे
    18. योगेश कदम
    19. संजय रायमूलकर
    20. ज्ञानेश्वर चौगुले
    21. बालाजी किणीकर
    22. अनिल बाबर
    23. शंभूराज देसाई (मंत्री)
    24. श्रीनिवास वणगा
    25. संजय गायकवाड
    26. शांताराम मोरे
    27. बालाजी कल्याणकर
    28.एकनाथ शिंदे
  • अपक्ष आमदार

    1. राजकुमार पटले (प्रहार)
    2. बच्चू कडू (प्रहार)
    3. चंद्रकांत पाटील
    4. राजेंद्र यड्रावकर (मंत्री)

Job AlertJob Alert Job Alert Job Alert

Related Articles

Leave a Reply

Your email address will not be published. Required fields are marked *

Back to top button