धक्कादायक! कन्हैयाच्या शरीरावर २६ चाकूचे वार, १३ जागी अवयव कापले; शवविच्छेदन रिपोर्टमध्ये खुलासा

कन्हैया लालची त्याच्या दुकानात निर्घृण हत्या केल्यानंतर बुधवारी त्यांचे शवविच्छेदन करण्यात आले आणि आज त्यांच्यांवर अंत्यसंस्कार करण्यात आले. कडेकोट सुरक्षा बंदोबस्तात कन्हैयालाल यांची अंत्ययात्रा निवासस्थानापासून स्मशानभूमीकडे रवाना झाली. ज्यामध्ये मोठ्या संख्येने स्थानिक लोक उपस्थित होते. विरोधी पक्षनेते गुलाबचंद कटारियादेखील बुधवारी मृतक कन्हैयालाल यांच्या घरी गेले होते.

हत्यारांचा पाकिस्तानशी संबध असल्याचा संशय

या भयंकर हत्याकांडामध्ये अटक करण्यात आलेल्या दोनही आरोपींचा पाकिस्तानशी संबंध असल्याचं बोललं जात आहे. एजन्सींना असा संशय आहे की रियाझ स्वतः ISIS चा कार्यकर्ता असू शकतो. कारण, त्याच्या फेसबुक फोटोंमध्ये तो जगभरातील इस्लामिक स्टेटच्या कार्यकर्त्यांद्वारे वापरल्या जाणार्‍या बोटांच्या संकेतांचा वापर करताना दिसतो. त्यामुळे त्याने दहशतवादी ट्रेनिंग घेतलं असल्याचाही संशय आहे.

कसा रचला हत्येचा कट?

मंगळवारी दुपारी अडीचच्या सुमारास दोघेजण कपडे शिवण्याच्या बहाण्याने त्यांच्या दुकानात आले. काही कळण्याच्या आत त्यांनी तेली यांच्यावर शस्त्रांनी हल्ला केला. त्यांच्यावर अनेक वार करण्यात आले आणि त्यांचा गळा चिरण्यात आला. याचा व्हिडिओही सोशल मीडियावर व्हायरल करण्यात आला आहे.

आरोपी रियाज आणि मोहम्मद याने त्याप्रकारे ही निर्घृण हत्या केली, त्यानुसार परिसरात पोलिसांचा धाक उरला नाही हेच समोर येतं. या घटनेमुळे संपूर्ण परिसरात भीतीचं वातावरण असून पोलीस तपास सुरू असल्याची माहिती आहे. तर यामुळे शहरातही तणावाचं वातावरण आहे.