विहिरीत शिवलिंग सापडलं; ज्ञानव्यापी मशिदीच्या सर्व्हेक्षणादरम्यान आत्तापर्यंतचा मोठा दावा

वाराणसी ग्यानव्यापी मशिदीच्या परिसरातील व्हिडिओ सर्वेक्षण सध्या सुरू आहे. सर्वेक्षणाचे काम गोपनीय असून, कोर्टाच्या देखरेखीखाली हे काम होत आहे. सर्वेक्षण सुरू असतानाच हिंदू पक्षाचे वकिल विष्णू जैन यांनी केलेल्या दाव्याने मोठी खळबळ उडाली आहे. मशिद परिसरातील विहिरीत शिवलिंग सापडले आहे. तसंच, त्या शिवलिंगाच्या सुरक्षेसाठी ते न्यायालयात धाव घेणार आहेत. आज तक या वृत्तवाहिनीने याबाबत माहिती दिली आहे.

• विहिरीत कॅमेरा टाकून व्हिडिओ सर्वेक्षण

आज सर्वेक्षण करणाऱ्या समितीने नंदी समोरील विहिरीचा सर्व्हे केला. विहिरीत कॅमेरा टाकून व्हिडिओ सर्वेक्षण केलं होतं. त्याचबरोबर याआधी पक्षमी दीवार, नमाज स्थळ, वजू स्थळ तसंच, तळघरातील सर्वेक्षण करण्यात आलं होतं.

दरम्यान, ज्ञानव्यापी मशिद परिसरात स्वस्तिक आणि ओमचे निशाण मिळाल्याचा दावा करण्यात येत आहे. भिंतीवर सापडलेल्या या चिन्हांवर रंगकाम करुन लपवण्यात आलं आहे. अशी माहिती सूत्रांनी दिली आहे. तसंच, एक गुप्त तळघरही सापडलं असून त्याला कचऱ्यानं लपवण्याचा प्रयत्न केल्याचा दावाही करण्यात येत आहे.