एखादी व्यक्ती मरावी असं बोलणं माझ्या मध्यमवर्गीय संस्कारात बसत नाही: सुप्रिया सुळे
नाशिक : राष्ट्रवादी काँग्रेसच्या खासदार सुप्रिया सुळे यांनी नाशिकमध्ये पत्रकारांशी संवाद साधला. केंद्रीय यंत्रणा, महिलांच्या समस्या आणि केतकी चितळे यांच्या संदर्भात सुप्रिया सुळे यांनी भाष्य केलं. केंद्रीय यंत्रणांचा वापर होतं आहे. अनिल देशमुख यांच्यावर १०९ वेळा छापे टाकण्यात आले. मग, असा प्रश्न पडतो की १०८ वेळा त्या यंत्रणा काय करत होत्या असा सवाल सुळे यांनी केला. अनिल देशमुख यांच्या विरोधात तक्रार करणारे गायब आहेत, असं सुप्रिया सुळे म्हणाल्या. आपल्या संस्कृतीत कुणाच्याही मृत्यूवर बोलणं चुकीचं आहे. माझ्यावरील मध्यमवर्गीय संस्कारात ते बसत नाही, असं सुप्रिया सुळे म्हणाल्या.
काही लोकांनी त्यांच्या वॉलवर काहीतरी लिहिलेलं आहे. या देशाच्या जगाच्या कुठल्याही कायद्यात किंवा नियमात ते बसत नाही. ट्रोलिंग हा वेगळा विषय आहे. केतकी चितळे यांना मी ओळखत नाही. कायदा त्याच काम करेल. त्यांचं जे मत आहे ते यंत्रणेसोबतचं आहे, त्याबद्दल मी बोलणार नाही. कुणाच्याही वडिलांवर, व्यक्तींवर त्यांनी मरावं असं कोणी बोलतं?, हे कुठल्या संस्कृतीत बसतं. मी यानिमित्तानं देवेंद्र फडणवीस, राज ठाकरे आणि उद्धव ठाकरे यांचं जाहीर आभार मानते. आपण अशा प्रकरणांमध्ये अशीच भूमिका कायम ठेवू. ही वेळ दुसऱ्या कुणावर आली तर मी सर्व प्रथम भूमिका घेईन, असं सुप्रिया सुळे म्हणाल्या आहेत. केतकी चितळे यांनी पोस्ट डिलीट करायची की ठेवायची हा त्यांचा वैयक्तिक प्रश्न आहे. आपल्या देशात एक यंत्रणा आहे, पोलीस स्टेशन आणि कोर्ट आहे तिथं जाऊन न्याय मागावा. माध्यमांचा गैरवापर अशा गोष्टींसाठी करणं हास्यास्पद आहे, असा टोला सुप्रिया सुळे यांनी चित्रा वाघ यांचं नाव न घेता लगावला आहे.
मी ज्या मराठी वाढले त्या संस्कृतीमध्ये कुणीतरी मरावं असं नव्हतं. माझ्या वडिलांनी देखील ५५ वर्षांच्या राजकारणात देखील मराठी संस्कृती जपली, असं सुप्रिया सुळे म्हणाल्या. सुषमा स्वराज्य यांची आज महागईच्या निमित्तानं आठवण आली, असं सुप्रिया सुळे म्हणाल्या. पंतप्रधान नरेंद्र मोदी यांनी तातडीनं सर्व मुख्यमंत्र्यांसोबत बैठक घेऊन चर्चा करावी, असं आवाहन गेल्या तीन महिन्यापासून म्हणतेय, असं सुप्रिया सुळे म्हणाल्या. नात्यामध्ये, कुटुंबात भांड्या भांडयाला लागतंच. भांड्याला भांड लागल्यानं प्रेम वाढतं, असं सुप्रिया सुळे म्हणाल्या.
