ताज्या घडामोडीपिंपरी / चिंचवड

कमी दर्जाच्या मद्याची ब्रँडेड बाटल्यांमधून विक्री; राज्य उत्पादन शुल्क विभागाची धडक कारवाई

पिंपरी चिंचवड | कमी दर्जाच्या मद्याची विविध ब्रँडेड कंपन्यांचे लेबल लावलेल्या बाटल्यांमधून विक्री केल्याचा धक्कादायक प्रकार उघडकीस आला आहे. राज्य उत्पादन शुल्क विभागाने मंगळवारी (दि. 9) पिंपळे सौदागर येथे कारवाई करून सहा लाख 71 हजार 895 रुपयांचा मद्यासाठा जप्त केला. याप्रकरणी कांजी शामजी पटेल याला अटक करण्यात आली आहे.राज्य उत्पादन शुल्क विभागाचे अधीक्षक संतोष झगडे यांनी दिलेल्या माहितीनुसार, दिवाळी व नवीन वर्षाच्या पार्श्वभूमीवर राज्य उत्पादन शुल्क विभागाकडून धडक कारवाई करण्यात येत आहे. पिंपळे सौदागरच्या हद्दीत झिंजुर्डे चाळीत पत्र्याच्या खोलीत आरोपी पटेल हा बनावट दारु बाटल्यांमध्ये भरत असल्याची माहिती मिळाली. त्यानुसार कारवाई करण्यात आली. आरोपी कांजी याला ताब्यात घेऊन अटक करण्यात आली. कमी प्रतीचे मद्य उच्च प्रतीच्या रिकाम्या स्कॉचच्या बाटल्यांमध्ये भरून बनावट स्कॉच व विदेशी मद्याची विक्री करीत होता. विविध ब्रँडच्या 65 सीलबंद बाटल्या तसेच विविध ब्रँडच्या उच्च प्रतीच्या 724 रिकाम्या बाटल्या, बुचे, लेबले, इत्यादी साहित्य असा एकूण सहा लाख 71 हजार 895 रुपयांचा मुद्देमाल जप्त केला.

ही कामगिरी राज्य उत्पादन शुल्क विभागाचे आयुक्त कांतीलाल उमाप, अंमलबजावणी व दक्षताचे संचालक उषा वर्मा, पुण्याचे विभागीय उपायुक्त प्रसाद सुर्वे, अधीक्षक संतोष झगडे, उपाधीक्षक एस. आर. जाधव यांच्या मार्गदर्शनाखाली ई विभागाचे निरीक्षक एस. एम. परळे, पी. एस. सेतसंदी, एन. आर. मुंजाळ, कर्मचारी एस. वाय. दरेकर, डी. बी. गवारी, एन. यू. जाधव, ए. आर. दळवी, एन. एस. पिंगळे, समीर बिरांजे, राजू पोटे यांच्या पथकाने केली.

Job AlertJob Alert Job Alert Job Alert

Related Articles

Leave a Reply

Your email address will not be published. Required fields are marked *

Back to top button