breaking-newsताज्या घडामोडीमहाराष्ट्रमुंबईराजकारण

मुंबै बँक बोगस मजूर प्रकरणात प्रवीण दरेकरांना अटक होण्याची शक्यता

मुंबई : मुंबै बँक बोगस मजूर प्रकरणात गुन्हा दाखल झाल्यानंतर आज विधानपरिषदेचे विरोधी पक्षनेते प्रवीण दरेकर यांना अटक होण्याची शक्यता आहे. मात्र कोर्टाच्या आदेशामुळे दरेकर यांची तात्काळ जामिनावर सुटका होणार आहे. या पार्श्वभूमीवर प्रवीण दरेकर थोड्याच वेळात माता रमाबाई आंबेडकर पोलीस ठाण्यात दाखल होतील, अशी माहिती आहे. (Mumbai Bank Bogus Labor Case)

प्रत्यक्षात मजूर नसतानाही बनावट कागदपत्रांच्या आधारे मजूर असल्याचं दाखवून आणि १९९९ पासून २०२१ पर्यंत मुंबै बँकेच्या संचालक मंडळावर मजूर प्रवर्गातून निवडून येऊन नागरिकांबरोबरच सरकारचीही फसवणूक केली, अशा आरोपाखाली प्रवीण दरेकर यांच्यावर गुन्हा दाखल करण्यात आला होता. मात्र या प्रकरणात अटक झाल्यास दरेकर यांची जामिनावर सुटका करण्यात यावी, असा निर्णय कोर्टाने दिल्याने दरेकर यांना दिलासा मिळाला आहे. दरम्यान, आम आदमी पक्षाचे महाराष्ट्र सचिव धनंजय शिंदे यांच्या तक्रारीवरून माता रमाबाई आंबेडकर पोलीस ठाण्यात दरेकर यांच्याविरोधात पोलिसांनी एफआयआर नोंदवला होता.

Job AlertJob Alert Job Alert Job Alert

Related Articles

Leave a Reply

Your email address will not be published. Required fields are marked *

Back to top button