कोळशाच्या तुटवड्यामुळे दिल्लीत वीज संकट?; केंद्रीय ऊर्जा मंत्र्यांनी दिले उत्तर
नवी दिल्ली |
केंद्रीय ऊर्जामंत्री आर के सिंह यांनी कोळशाच्या संकटामुळे राजधानी दिल्लीत वीज बिघाड होण्याची शक्यता पूर्णपणे चुकीची असल्याचे सांगितले आहे. सिंग यांनी रविवारी सांगितले की, सध्या दिल्लीमध्ये विजेचे संकट नाही आणि येत्या काही दिवसांत ते होणार नाही. आमच्याकडे कोळशाचा प्रचंड साठा आहे, कोळशाच्या संकटाबाबत विनाकारण माहिती दिली गेली आहे. विजेची चिंता करण्यासारखे काहीच नाही. आम्ही कोळशाच्या साठ्यावर लक्ष ठेवून आहोत असे आर के सिंह यांनी म्हटले आहे. आर.के.सिंह यांनी दिल्लीतील डिस्कॉम्सच्या बैठकीच्या नंतर याप्रकरणी भाष्य केले. आम्ही आज सर्व पदाधिकाऱ्यांची बैठक बोलावली आहे. दिल्लीमध्ये आवश्यक प्रमाणात वीज पुरवली जात आहे आणि यापुढेही अशीच राहील, असे आर.के.सिंह म्हणाले.
“मी गेलच्या अध्यक्ष आणि व्यवस्थापकीय संचालकांना देशभरातील वीज प्रकल्पांना आवश्यक प्रमाणात गॅस पुरवठा सुरू ठेवण्यास सांगितले आहे. त्यांनी मला आश्वासन दिले आहे की पुरवठा चालू राहील. आधी गॅसची कमतरता नव्हती, भविष्यातही नाही. खरोखर कुठेही संकट नाही. ते विनाकारण तयार केले गेले. मी टाटा पॉवरच्या मुख्य कार्यकारी अधिकाऱ्यांना ताकीद दिली आहे की जर त्यांनी ग्राहकांना निराधार संदेश पाठवले तर दहशत निर्माण होऊ शकते. गेल आणि टाटा पॉवरचे संदेश बेजबाबदार वर्तनास पात्र आहेत,” असे असे आर.के.सिंह यांनी म्हटले आहे.
“आज आपल्याकडे चार दिवसांपेक्षा जास्त काळ कोळशाचा सरासरी साठा आहे. आमच्याकडे दररोज नवीन साठा येत आहे. काल जितक्या प्रमाणात कोळसा वापरला तितक्याच प्रमाणात तो पुन्हा आला आहे. मात्र, पूर्वीप्रमाणे कोळशाचा १७ दिवसांचा साठा नाही, तर ४ दिवसांचा साठा आहे. कोळशासाठी ही परिस्थिती आहे कारण आमची मागणी वाढली आहे आणि आम्ही आयात कमी केली आहे. आपली कोळसा उत्पादन क्षमता वाढवायची आहे, त्यासाठी आम्ही कारवाई करत आहोत. मी केंद्रीय कोळसा आणि खाण मंत्री प्रल्हाद जोशी यांच्या संपर्कात आहे,” असे आर.के.सिंह म्हणाले. सिंह म्हणाले की, “कोणत्याही माहितीशिवाय ही दहशत निर्माण झाली. कारण गेलने दिल्लीच्या डिस्कॉम्सला संदेश पाठवला की तो एक किंवा दोन दिवसांनी बवानाच्या गॅस स्टेशनला गॅस देण्याची प्रक्रिया थांबवेल. त्यांनी संदेश पाठवला कारण त्यांचा करार संपत आहे. गेलचे सीएमडी देखील बैठकीत उपस्थित होते. आम्ही त्यांना सांगितले आहे की करार संपला किंवा नाही, आपण गॅस स्टेशनला आवश्यक तेवढा गॅस द्यायला हवा.”
