ताज्या घडामोडीमुंबई

‘तेल लावलेल्या पैलवानाची गुडघ्यात अक्कल असलेल्या पैलवानासोबत युती’

मुंबई | मनसे अध्यक्ष राज ठाकरे यांच्यावर अयोध्या दौरा रद्द करण्याची नामुष्की ओढावल्यानंतर पक्षातील नेत्यांनी आक्रमक भूमिका घेतली आहे. भाजप खासदार बृजभूषण सिंह यांनी केलेल्या आक्रमक विरोधामुळे मनसेला दौरा रद्द करण्याचा निर्णय घ्यावा लागला. मात्र बृजभूषण सिंह यांना महाराष्ट्रातूनच रसद पुरवली गेल्याचा आरोप पक्षातील नेत्यांकडून केला जात आहे. मनसेचे सरचिटणीस सचिन मोरे यांच्यानंतर आता प्रवक्ते संदीप देशपांडे यांनीही बृजभूषण सिंह यांचा राष्ट्रवादी काँग्रेसचे अध्यक्ष शरद पवार यांच्यासोबतचा फोटो शेअर करत निशाणा साधला आहे.

संदीप देशपांडे यांनी शरद पवार आणि बृजभूषण सिंह यांचा एकत्रित फोटो शेअर करत म्हटलं आहे की, तेल लावलेले पैलवान आणि गुडघ्यात अक्कल असलेले पैलवान यांची राजसाहेबांविरोधात झालेली युती स्पष्ट दिसत आहे.

दरम्यान, या दोन्ही नेत्यांचा एकाच व्यासपीठावरील फोटो शेअर करत मनसे नेत्यांनी राज ठाकरे यांचा दौरा रद्द होण्यामागे राष्ट्रवादीचाच हात असल्याचा आरोप केला आहे. त्यामुळे या मुद्द्यावरून आगामी काळात राजकारण आणखी तापण्याची शक्यता निर्माण झाली आहे.

पवार-बृजभूषण कोणत्या कार्यक्रमात एकत्र आले होते?

बृजभूषण सिंह हे गेल्या अनेक वर्षांपासून भारतीय कुस्ती महासंघांचे राष्ट्रीय अध्यक्ष आहेत, तर शरद पवार हे राज्य कुस्तीगीर संघटनेचे अध्यक्ष आहेत. मनसे नेत्याने शेअर केलेले फोटो एका कुस्ती स्पर्धेतीलच असल्याचं दिसत आहे. सन्मान लाल मातीचा, बहुमान मावळवासियांचा, असं या फोटोतील बॅनरवर लिहिलेलं दिसत आहे.

राज ठाकरेंना उत्तर भारतात कुठेच पाय ठेवू देणार नाही; बृजभूषणची पुन्हा धमकी

Job AlertJob Alert Job Alert Job Alert

Related Articles

Leave a Reply

Your email address will not be published. Required fields are marked *

Back to top button