ताज्या घडामोडीमुंबई

मुंबईत उभारणार नवीन चौक, नाव असेल ‘लोकशाही’

मुंबई | लोकशाहीची मशाल तेवत राहावी, आवाज कायम घुमत राहावा, यासाठी फोर्ट परिसरातील क्रॉस मैदानाजवळ ‘लोकशाही’ नावाने नवीन चौक उभारण्यात येणार आहे. जुन्या वाहतूक बेटाचे चौकात रूपांतर करण्यात येणार असून डिसेंबर २०२२ पर्यंत हे काम पूर्ण करण्यात येणार आहे.

मुंबईतील आर्थिक, व्यावसायिक परिसर म्हणून फोर्टची ओळख आहे. या परिसराला ऐतिहासिक आणि सांस्कृतिक महत्त्व आहे. ब्रिटिश कालखंडातील असंख्य हेरिटेज वास्तूंनी हा परिसर सांस्कृतिकदृष्ट्या समृद्ध आहे. व्यावसायिक कार्यालयांचा हा परिसर रात्रीच्या शांत निद्रेत पहुडलेला असतो. अनेक देशविदेशी पर्यटक या परिसराला भेट देतात. त्यामुळे या भागाचे अनन्यसाधारण महत्त्व लक्षात घेऊन हा चौक उभारला जात आहे. पालिकेच्या नियोजन विभागातर्फे हे काम केले जाणार आहे.
या चौकामुळे फोर्ट परिसराच्या सौंदर्यात भर पडणार असून हा भाग अधिक खुलून दिसणार आहे. त्यामुळे या जागेची निवड करण्यात आली असल्याची माहिती पालिकेने दिली आहे. चौकात कलाकृती आणि पोडियम असे दोन भाग असून ते स्वातंत्र्य, समता, न्याय आणि बंधुत्व या लोकशाहीच्या खांबांचे प्रतीक असतील. लोकशाहीचे प्रतीक असलेली कलाकृती चौकात उभारली जाणार असून अँथोनी होवे हा कलाकार ती साकारणार आहे. नागरिकांना चौकात येऊन मोकळेपणाने वावरता, बोलता, संवाद साधता यावा, यासाठी एक विशिष्ट रचना करण्यात आली आहे, अशी माहिती पालिकेच्या नियोजन विभागाचे सहाय्यक आयुक्त किरण दिघावकर यांनी दिली.

आमदार निधीतून खर्च

आमदार स्थानिक विकास कार्यक्रम २०२१-२२ अंतर्गत मुख्यमंत्री उद्धव ठाकरे यांच्या आमदार निधीतून चौक उभारण्यात येणार असून त्यासाठी राज्य सरकारकडून पाच कोटींचा निधी जाहीर करण्यात आला आहे. पालिकेने या कामासाठी चार कोटी २५ लाख ६८ हजार खर्चाची निविदा शुक्रवारी प्रसिद्ध केली आहे.

Job AlertJob Alert Job Alert Job Alert

Related Articles

Leave a Reply

Your email address will not be published. Required fields are marked *

Back to top button