breaking-newsUncategorizedताज्या घडामोडीपिंपरी / चिंचवडपुणे

पुण्यात गुन्हेगारावर कोयत्याने सपासप वार करून खून; आरोपींना अटक

पुणे : हडपसर परिसरात खूनाचा गुन्हा दाखल असलेल्या तरुणावर पूर्ववैमनस्यातून तिघांनी कोयत्याने तोंडावर आणि डोक्यात सपासप वार करून खून केल्याची घटना घडली आहे. मंगेश किशोर शिंगाडे (वय २६, रा. कुमार शिंगाडे कॉलनी, पापडेवस्ती, भेकराईनगर) असं खून झालेल्या तरुणाचं नाव आहे. ही घटना फुरसुंगी येथील भेकराई बस डेपो शेजारील श्री मल्टीपर्पज हॉलच्या समोर सोमवारी सायंकाळी साडेसात वाजण्याच्या सुमारास घडली.

हत्येच्या घटनेबाबत माहिती मिळताच गुन्हे शाखा युनिट पाचच्या पथकाने कर्नाटक येथे पळून जाण्याच्या तयारीत असलेल्या तिघा आरोपींना अटक केली. किरण विठ्ठल धोत्रे (वय १९), अजय सचिन माने (वय २०,रा. दोघे भेकराईनगर), प्रशांत शंकर हिरेमठ (वय १९, रा. ढमाळवाडी हडपसर) अशी त्यांची नावे आहेत. पुढील कारवाईसाठी तिघांना हडपसर पोलिसांच्या ताब्यात देण्यात आलं आहे. याबाबत राजू विष्णू शिंगाडे (वय ५३, रा. पापडेवस्ती) यांनी फिर्याद दिली आहे.पोलिसांनी दिलेल्या माहितीनुसार, मंगेश शिंगाडे याच्याविरुद्ध २०१६ मध्ये एक गुन्हा दाखल होता. काही महिन्यांपूर्वी तो कारागृहाबाहेर आला होता. शिंगाडे हा सोमवारी सायंकाळी फुरसुंगी येथील भेकराई बस डेपोशेजारील श्री मल्टीपर्पज हॉलच्या समोर असताना हल्लेखोरांनी त्याच्यावर लोखंडी कोयत्याने हल्ला केला. त्याच्या तोंडावर व डोक्यावर सपासप वार करुन त्याचा खून केला. रक्ताच्या थारोळ्यात मंगेश तेथे पडल्यानंतर हल्लेखोर पळून गेले. या घटनेची माहिती मिळताच पोलीस उपायुक्त नम्रता पाटील, सहायक पोलीस आयुक्त राजेंद्र गलांडे, पोलीस निरीक्षक दिंगंबर शिंदे, विश्वास डगळे यांनी घटनास्थळाला भेट दिली.

दरम्यान, शिंगाडे याच्या खूनाची माहिती मिळाल्यानंतर गुन्हे शाखेकडून आरोपींचा शोध घेण्यात येत होता. त्यावेळी तांत्रिक विश्लेषण व बातमीदारामार्फत पथकाला माहिती मिळाली होती की, शिंगाडे याचा खून किरण, प्रशांत व अजय या तिघांनी केली असून सध्या ते लोणी टोलनाका येथे थांबले आहेत. तेथून ते प्रशांत याच्या कर्नाटकातील मूळ गावी जाणार आहे. त्यानुसार पोलीस निरीक्षक हेमंत पाटील, सहायक निरीक्षक कृष्णा बाबर, उपनिरीक्षक अविनाश लोहोटे, कर्मचारी अकबर शेख, प्रमोद टिळेकर, रमेश साबळे यांच्या पथकाने तिघांना ताब्यात घेतले. त्यांच्याकडे केलेल्या चौकशीत, दोन दिवसांपूर्वी आरोपी आणि शिंगाडे यांच्यात वाद झाल्याचं स्पष्ट झालं. या वादावेळी शिंगाडे याने आरोपींना शिवीगाळ केली होती. त्यातूनच तिघांनी सोमवारी सायंकाळच्या सुमारास शिंगाडे याला गाठून त्याच्यावर कोयत्याने प्राणघातक हल्ला केला. त्यामध्ये गंभीर जखमी झाल्याने त्याचा मृत्यू झाला.

 

Job AlertJob Alert Job Alert Job Alert

Related Articles

Leave a Reply

Your email address will not be published. Required fields are marked *

Back to top button