MPSC परीक्षा निकाल जाहीर; प्रमोद चौगुले राज्यात प्रथम, मुलींमध्ये रूपाली माने अव्वल
मुंबई: केंद्रीय लोकसेवा आयोगाच्या परीक्षेच्या निकालानंतर आता महाराष्ट्र लोकसेवा आयोगाच्या (एमपीएससी) परीक्षेचा निकाल जाहीर झाला आहे. या परीक्षेत प्रमोद बाळासो चौगुले हा राज्यातून सर्वसाधारण उमेदरावांमधून प्रथम आला असून रुपाली गणपत माने ही महिलांमधून अव्वल आली आहे. तसेच, गिरीश विजयकुमार परेकर हा मागासवर्ग उमेदवारांमधून पहिला आला आहे. हा निकाल एमपीएससीच्या संकेतस्थळावर प्रसिद्ध करण्यात आला आहे.
राज्यात गेल्या वर्षी २०२१ च्या ४, ५ आणि ६ डिसेंबर रोजी राज्य सेवा परीक्षा २०२० ही मुख्य परीक्षा घेण्यात आली. या परीक्षेचा अंतिम निकाल मंगळवारी महाराष्ट्र लोकसेवा आयोगाच्या संकेतस्थळावर जाहीर करण्यात आला.
MPSC च्या स्थापत्य अभियांत्रिकीचाही निकाल जाहीर
दरम्यान एमपीएससीच्या स्थापत्य अभियांत्रिकीचा निकालही ३१ मे रोजी जाहीर करण्यात आला आहे. यात एकूण ६५२ पदांचा निकाल जाहीर करण्यात आला आहे. या निकालानुसार रोहित कट्टे हा स्थापत्य अभियांत्रिकीमध्ये राज्यात प्रथम आला आहे.