महाराष्ट्र नवनिर्माण सेनेचा आज गुढीपाडवा मेळावा, राज ठाकरे काय बोलणार याकडे लक्ष
मुंबई : गेल्या दोन वर्षांच्या प्रतीक्षेनंतर महाराष्ट्र नवनिर्माण सेनेचा गुढीपाडवा मेळावा आज, शनिवारी शिवाजी पार्क येथे होणार आहे. मनसे अध्यक्ष राज ठाकरे यांच्या प्रमुख उपस्थितीत हा मेळावा पार पडणार आहे. त्यामुळे यंदाचा मेळावा खास असणार असून आज राज ठाकरे काय भाषण करणार हे पाहणं महत्त्वाचं आहे.
आगामी मुंबई महानगरपालिकेसह इतर महापालिका निवडणुकांच्या पार्श्वभूमीवर राज ठाकरे नेमके काय बोलणार, याकडे सर्वांचे लक्ष लागून राहिले आहे. या मेळाव्याच्या माध्यमातून मनसे पुन्हा एकदा मुंबईत शक्तिप्रदर्शन करणार असल्याची चर्चा सुरू झाली आहे. मेळाव्यासाठीची सर्व तयारी शुक्रवारी पूर्ण झाली. मनसेच्या अनेक नेत्यांनी या ठिकाणी हजेरी लावत कार्यक्रमाच्या तयारीचा आढावा
या मेळाव्यासाठी ७० हजारांहून अधिक आसन व्यवस्थेसह इतर सर्व व्यवस्था पूर्ण करण्यात आली आहे. मुंबई महानगरपालिकेसह इतर महापालिकांच्या निवडणुका तोंडावर आहेत. त्याबरोबरच मराठी भाषेचा गाजत असलेला मुद्दा, राजकीय नेत्यांवरील केंद्रीय तपास यंत्रेणेचे छापे यांसारख्या अनेक मुद्द्यांवर राज ठाकरे बोलतील, अशी चर्चा आहे.
