breaking-newsताज्या घडामोडीमहाराष्ट्र

जळगाव पोलीस ठरले कायद्याचे भक्षक; मदत मागण्यासाठी आलेल्यांवर लाठीचार्ज, मृतदेहाचीही विटंबना

जळगाव : जळगाव जिल्हा दूध संघात काम करणाऱ्या कर्मचारी धनराज सुरेश बिरारी (वय-३७, रा. शिवाजीनगर) यांचा मुक्ताईनगरजवळ भीषण अपघातात शुक्रवारी पहाटे मृत्यू झाला. आर्थिक मदत मिळावी यासाठी मयताच्या कुटुंबियाने मृतदेह थेट दूध संघाच्या आवारात आणला. पाच तास उलटूनदेखील मदत न मिळाल्याने संतप्त झालेल्या नातेवाईकांनी मृतदेह थेट दूध संघात ठेवला. यावेळी पोलिसांनी मयताच्या कुटुंबियांवर लाठीचार्ज केला.

सगळ्यात धक्कादायक बाब म्हणजे मृतदेहाची विटंबनादेखील करण्यात आली. लाठीचार्जमुळे पळापळ झाल्याने अखेर पोलिसांनाच मृतदेह मयताच्या घरी नेऊन सोडवा लावला. दरम्यान, या घटनेने प्रचंड तणाव निर्माण झाला होता. दूध वाहून नेणारा टँकर बंद पडल्याने दूसर्‍या टँकरमध्ये दूध भरत असताना त्या टँकरला भरधाव ट्रकसह चार ते पाच वाहनांची जोरदार धडक दिल्याची घटना मुक्ताईनगरजवळ शुक्रवारी पहाटे ३ वाजेच्या सुमारास घडली.

या अपघातात जिल्हा दूध संघातील प्रोसेसिंग विभागातील कर्मचारी धनराज बिरारी व धुळे येथील चार जण जागीच ठार झाले. मयत धनराज यांच्या कुटुंबियांना आर्थीक मदत मिळावी यासाठी दूध संघातील कर्मचार्‍यांसह नातेवाईकांनी सायंकाळी साडेपाच वाजेपासून आंदोलन केले. दरम्यान, मुक्ताईनगर येथून मृतदेहाचे शवविच्छेदन करुन मृतदेह थेट जिल्हा दूध संघात सायंकाळी ७ वाजेच्या सुमारास आणण्यात आला. यावेळी नातेवाईकांनी जिल्हा दूध संघाच्या परिसरात ठिय्या आंदोलन केले.

  • पोलिसांकडून बेछूट लाठीचार्ज

    पाच तास उलटूनदेखील दूध संघाकडून मदत न मिळाल्याने कुटुंबिय मृतदेह माघारी घेवून जात होते. यावेळी संतप्त झालेल्या नातेवाईकांसह कर्मचार्‍यांनी मृतदेह रुग्णावाहीकेतून बाहेर काढत थेट गेटवरुन आत घेवून जात होते. यावेळी संतप्त कर्मचार्‍यासह नातेवाईकांनी दूध संघाचे मुख्य दरवाजाचे कुलूप तोडून आत प्रवेश करताच पोलिसांकडून त्यांच्यावर बेछूट लाठीचार्ज करण्यात आला. त्यामुळे परिसरात पळापळ होवून तणावाचे वातावरण निर्माण झाले होते. मृतदेह दूध संघाच्या आवारात आणत मृतदेहाची शेवटच्या क्षणी देखील विटंबना करण्यात आली. यावेळी नातेवाईकांनी प्रचंड आक्रोश केला. दरम्यान, पोलिसांनी जबरदस्ती मृतदेह रुग्णावाहिकेत ठेवून मयताच्या घरी रवाना केला.
Job AlertJob Alert Job Alert Job Alert

Related Articles

Leave a Reply

Your email address will not be published. Required fields are marked *

Back to top button