तुमच्या काळात गुन्हेगारी फोफावली, आता माझ्यावर आरोप का, धनुभाऊंनी खासदार बहिणीला सुनावलं
बीड|बीड जिल्ह्यात महिलांवर अत्याचार वाढले, हे आपले अपयश आहे, असं म्हणत बीड जिल्ह्याच्या खासदार डॉ. प्रीतम मुंडे यांनी सामाजिक न्याय मंत्री धनंजय मुंडे यांच्यावर निशाणा साधला होता. त्यावर आता धनंजय मुंडेंनी पलटवार करत ‘गल्ली ते दिल्लीपर्यंत सत्ता ही भाजपची, मग बीडच्या खासदारांनी माझ्यावर आरोप करणे चुकीचं आहे’, अशी टीका केली आहे.
बीडमध्ये पत्रकार परिषदेत बोलताना प्रीतम मुंडेंनी धनंजय मुंडेंवर निशाणा साधला होता. यावर माध्यमांनी धनंजय मुंडे यांना विचारणा केली असता ते म्हणाले की, एनसीआर नॅशनल रेकॉर्ड बघा आणि मग सांगा. मागच्या सरकारमध्ये गल्लीपासून ते केंद्रापर्यंत सत्ता ही त्यांचीच होती आणि त्या ही त्यावेळेस खासदार त्या होत्या. आताही त्याच आहेत आणि त्यांच्या भगिनी मंत्री होत्या जिल्ह्याच्या पालकमंत्री होत्या. त्यांच्या काळात गुन्हेगारीत वाढ झाली आणि आता राष्ट्रीय रेकॉडनुसार हा ग्राफ त्यांच्या काळात वाढला आहे’, असं त्यांनी नाव न घेता प्रीतम मुंडे आणि पंकजा मुंडे यांना टोला लगावला आहे.
बीड जिल्ह्याच्या परळी शहरात “राष्ट्रवादी आपल्या दारी” अभियान राबवत
बीडच्या परळी शहरात सामाजिक न्याय मंत्री धनंजय मुंडे हे आज सकाळी 9 वाजल्यापासून, “राष्ट्रवादी आपल्या दारी अभियान” राबवत आहेत. शहरातील मिलिंद नगर भागातून या अभियानाला सुरुवात झाली. यावेळी प्रत्येक घरी जात राष्ट्रवादी सदस्य नोंदणी करत आहेत. यावेळी सर्वसामान्य नागरिकांना घड्याळाचं वाटप करत हे अभियान पार पडलं.
थेट पवारांसमोरच धनजंय मुंडे म्हणाले, “पंकजाताई महाविकास आघाडीत या’