ताज्या घडामोडीमराठवाडा

रायगडात जोरदार पाऊस, वादळामुळे घर कोसळले

दोघांना दुखापत, जखमींमध्ये चिमुकल्याचा समावेश

अलिबाग: कर्जत तालुक्यात सुटलेल्या सोसाट्याचा वारा आणि रिमझिम पावसाने येथील शेतकऱ्यांचे मोठे नुकसान केले आहे. आंबा पिकाचे नुकसान झाल्याने बागायतदारांचे मोठे नुकसान केले. झाडे उन्मळून पडली आहेत तर एका शेतकऱ्याच्या घराचे छप्पर उडून दोन जण जखमी झाले आहेत. यामध्ये घराचे मोठे नुकसान झाले. जागतिक दर्जाचे पर्यटन स्थळ असणाऱ्या माथेरान येथे ही अर्धातास मुसळधार पाऊस कोसळल्याने लाल माती ओली चिंब होऊन सुंगध दरवळत होता.

राज्य हवामान विभागाकडून जारी करण्यात आलेल्या सूचना यामुळे राज्यात ठिकठिकाणी सोसाट्याचा वारा आणि तुरळक प्रमाणात पाऊस पडण्याची शक्यता वर्तवण्यात आली होती. रायगड जिल्ह्यात देखील याचा परिणाम दिसून आला. ११ मे रोजी जिल्ह्यातील अनेक ठिकाणी पावसाच्या सरी कोसळल्या तर काही ठिकाणी धो धो पाऊस पडला. सोबतच सुटलेल्या सोसाट्याचा वारा यामुळे काही ठिकाणी झाडे उन्मळून रस्त्यावर पडली. जागतिक दर्जाचे पर्यटन स्थळ असणाऱ्या माथेरान येथे केवळ अर्धा तास पाऊस कोसळला. परंतु माथेरानला या पावसाने चांगलेच झोडपून काढले आहे.

लाल माती ओली चिंब होऊन लाल मातीतून सुगंध दरवळत होता. हा परिणाम गेली दोन दिवस रायगड जिल्ह्यातील कर्जत तालुक्यात नागरिकांना अनुभवाला मिळाला. दरम्यान कर्जत तालुक्यात १२ मे रोजी या सलग दुसऱ्या दिवशी सायंकाळी पाच वाजण्याच्या सुमारास वातावरणात झालेला बदल यामुळे काही ठिकाणी गडगडाटासह वादळी वारा सुटला होता. झाडांच्या फांद्या जोरदार हवेने हेलकावे खात होती. तालुक्यातील दुर्गम भागात असलेल्या मोरे वाडी येथे एका आदिवासी वाडीतील किसन भाऊ केवारी यांच्या घरावरील सुटलेल्या चक्री वादळाने छप्पर उडून गेले आहे.

तसेच घराच्या भिंती देखील पडल्या. यामध्ये दोन जण जखमी झाले असून एका चिमुरड्याच्या डोक्याला दुखापत झाली असल्याने कशेळे येथील आरोग्य केंद्रात उपचारासाठी नेण्यात आले होते. दरम्यान कर्जत तालुक्यात अवकाळी पावसाने केलेली सुरुवात यामुळे शेतकऱ्यांचे मोठे नुकसान झाले आहे. आंबा पिका सोबत बागायतदारांचे नुकसान झाले आहे. तालुक्यात ठिकठिकाणी मोठमोठी झाडे उन्मळून पडली आहेत. लोभेवाडी येथे विद्युत पुरवठा खंडित झाला आहे.

Job AlertJob Alert Job Alert Job Alert

Related Articles

Leave a Reply

Your email address will not be published. Required fields are marked *

Back to top button