चार शिका-यांनी केला घोरपडीवर सामुहिक बलात्कार
सह्याद्री व्याघ्र प्रकल्प कोल्हापूर येथील घटना
कोल्हापूर l प्रतिनिधी
कोल्हापूर येथील सह्याद्री व्याघ्र प्रकल्पात चार शिका-यांनी एका घोरपडीवर बलात्कार केला. याबाबत कोल्हापूर वन विभागाच्या अधिका-यांनी चौघांना ताब्यात घेतले. मात्र वन विभागाच्या अधिका-यांपुढे नवा पेच निर्माण झाला आहे. ताब्यात घेतलेल्या शिका-यांवर कोणत्या कलमाखाली कारवाई करायची याबाबत अधिकारी चर्चा करत होते.
संदीप तुकाराम, मंगेश पवार, जनार्दन कामटेकर, अक्षय सुनील अशी ताब्यात घेतलेल्या शिका-यांची नावे आहेत.
सह्याद्री व्याघ्र प्रकल्पाचा भाग असलेल्या चांदोली राष्ट्रीय उद्यानातील चांदोली वनपरिक्षेत्राच्या गोठणे नियतक्षेत्रात हे शिकारी शिकार करण्यासाठी गेले होते. शिका-यांकडे अवैध हत्यारे देखील होती. जंगलात काहीजण शिकारीसाठी गेल्याची माहिती मिळतच वन विभागाच्या अधिका-यांनी सीसीटीव्हीच्या आधारे शिका-यांचा शोध घेतला.
वन विभागाने चौघांना ताब्यात घेतले. त्याचे मोबाईल फोन तपासण्यात आले. त्यात एक धक्कादायक प्रकार उघडकीस आला. ताब्यात घेतलेल्या शिका-यांनी सामुहिकपणे एका घोरपडीवर बलात्कार केल्याचे रेकोर्डिंग शिका-यांच्या फोन मध्ये मिळाले.
आरोपी शिकारी कोकणातून कोल्हापूरच्या चांदोली गावात शिकारीसाठी आले असल्याचे तपासात उघडकीस आले आहे. मात्र या शिका-यांवर कोणत्या कलमाखाली कारवाई करायची, हा मोठा पेच वन विभागाच्या अधिका-यांपुढे निर्माण झाला. त्यानंतर चौघांना अटक करून न्यायालयात हजर केले असता चौघांना न्यायालयाने वन कोठडी सुनावली आहे. कोल्हापूर वनपरिक्षेत्राचे अधिकारी तपास करीत आहेत.