भाजपला मोठा धक्का! माजी उपमुख्यमंत्र्याने दिला राजीनामा
Karnataka Election : कर्नाटक विधानसभेसाठी भाजपने आपली पहिली उमेदवारी यादी जाहीर केली आहे. १८९ उमेदवारांच्या यादीत अनेक बड्या नेत्यांचे तिकीट कापले आहे. यात माजी मुख्यमंत्री जगदीश शेट्टार, माजी उपमुख्यमंत्री लक्ष्मण सवदी यांचाही समावेश आहे.
कर्नाटकचे माजी उपमुख्यमंत्री लक्ष्मण सवदी यांनी अथणी मतदारसंघाचे तिकीट गमावल्यानंतर विधान परिषद सदस्यपदाचा आणि भाजपच्या प्राथमिक सदस्यत्वाचा राजीनामा दिला.
मी माझा निर्णय घेतला आहे. भिकेचा कटोरा घेऊन फिरणारा मी नाही. मी एक स्वाभिमानी राजकारणी आहे. मी कोणाच्या प्रभावाखाली वागत नाही, असं लक्ष्मण सवदी यांनी म्हटलं आहे.
दरम्यान, १८९ उमेदवारांची नावे जाहीर झाली आहेत. जवळपास सर्वच क्षेत्रात एकमत आहे. काही लोक असहमत (यादीसह) आणि त्यांच्याशी चर्चा केली जाईल. मी सतत त्यांच्या संपर्कात असतो. मी लक्ष्मण सवदी (राज्य उपाध्यक्ष) यांच्याशी बोललो आहे आणि त्यांना कोणताही घाईघाईत निर्णय घेऊ नये असे सांगितले आहे, असं कर्नाटकचे मुख्यमंत्री आणि भाजप नेते बसवराज बोम्मई यांनी म्हटले आहे.