breaking-newsताज्या घडामोडीमुंबई
#CoronaVirus: कळवा-मुंब्य्रात इमारतींना कुलूप
टाळेबंदीला गांभीर्याने न घेणाऱ्या लोकांना रोखण्यासाठी कळवा आणि मुंब्रा परिसरातील इमारतींचे प्रवेशद्वार कुलूपबंद करण्याचा निर्णय शुक्रवारी घेण्यात आला. या दोन्ही भागांतील करोनाबाधित रुग्णांच्या परिसरातील ५० इमारतींचे प्रवेशद्वार कुलूप लावून बंद करण्यात आले आहेत. त्याचप्रमाणे ठाण्यातील खारकर आळी भागातील घाऊक धान्य बाजारपेठेतील शंभर व्यापाऱ्यांना महापालिकेने नोटिसा बजावून सामाजिक अंतराचा नियम पाळण्याच्या सूचना केल्या आहेत.