breaking-newsताज्या घडामोडीमहाराष्ट्रमुंबईराजकारण

राज ठाकरेंच्या उत्तरसभेनंतर छगन भुजबळांचे पुत्र शिवतीर्थावर; चर्चेला उधाण

मुंबई |

महाराष्ट्र नवनिर्माण सेनेचे अध्यक्ष राज ठाकरे यांची काल ठाण्यात झालेल्या उत्तरसभेत राष्ट्रवादी काँग्रेस व महाविकास आघाडीवर जोरदार हल्लाबोल केला होता. त्यानंतर राज ठाकरेंच्या सभेवर महाविकास आघाडीच्या नेत्यांकडून प्रतिक्रिया येत असतानाच राष्ट्रवादी काँग्रेसचे नेते छगन भुजबळ यांचे पुत्र पंकज भुजबळ हे राज ठाकरेंच्या भेटीला शिवतीर्थावर पोहचले आहेत. या भेटीमुळं राजकीय वर्तुळात खळबळ माजली आहे.

राज ठाकरे यांनी कालच्या ठाण्यातील उत्तर सभेतील भाषणात छगन भुजबळ यांच्यावर जोरदार टीका केली. भुजबळ यांच्या संस्थेतल्या गैरव्यवहारामुळं भुजबळांना जेलमध्ये जावे लागले. दोन अडीज वर्षे जेलमध्ये गेल्यानंतर शपथ घेणारे भुजबळ पहिले नेते होते, अशी जोरदार टीका राज यांनी केली होती. मात्र, राज ठाकरेंच्या सभेवरुन महाविकास आघाडीच्या व राष्ट्रवादी काँग्रेस नेत्यांच्या तीव्र प्रतिक्रिया येत असताना पंकज भुजबळ हे राज यांच्या भेटीला गेल्याने अनेकांच्या भुवया उंचावल्या आहेत.

दरम्यान, पंकज भुजबळ यांच्यासोबत त्यांच्या पत्नीदेखील शिवतीर्थावर पोहोचले आहेत. पंकज हे राज ठाकरेंची सदिच्छा भेट घेण्यासाठी आले होते. अशी चर्चा आहे. राज ठाकरे यांना नुकताच नातू झाला आहे. राज ठाकरे यांचे पुत्र अमित ठाकरे व सून मिताली ठाकरे हे पाच एप्रिल रोजी आई- बाबा झाले. त्यामुळं ही सदिच्छा भेट असल्याचं सांगितलं जातं आहे.

  • कृपाशंकर सिंह यांनीही घेतली भेट

भाजपचे नेते कृपाशंकर सिंह यांनी आज मनसे अध्यक्ष राज ठाकरे यांची भेट घेतली आहे. गुढीपाडव्याच्या भाषणानंतर केंद्रीय मंत्री रावसाहेब दानवे, केंद्रीय मंत्री नितीन गडकरी हे राज ठाकरेंच्या भेटीला गेले होते. आता ठाण्यातील भाषणानंतर कृपाशंकर सिंह हे राज ठाकरे यांना भेटायला गेले आहेत. या सगळ्याचे राजकीय वर्तुळात निरनिराळे अर्थ काढले जात आहेत.

Job AlertJob Alert Job Alert Job Alert

Related Articles

Leave a Reply

Your email address will not be published. Required fields are marked *

Back to top button