सरपंचाच्या जाचाला कंटाळून महिलेचा अंगावर रॉकेल ओतून आत्मदहनाचा प्रयत्न

पोलिस कर्मचाऱ्याने महिलेच्या हातातून रॉकेलचा कॅन हिसकवण्याचा केला प्रयत्न

साध्या वेशातील एका पोलीस कर्मचाऱ्याने आंदोलक महिलेच्या हातातून रॉकेलचा कॅन हिसकवण्याचा प्रयत्न केला. यावेळी कर्तव्यावर एकही पोलीस कर्मचारी वेळेवर उपस्थित नसल्यामुळे साध्या वेशातील विशेष शाखेच्या पोलीस कर्मचाऱ्यांची महिलेला आत्मदहना पासून रोखताना चांगलीच तारांबळ उडालेली दिसून आलेली आहे.

‘मला न्याय मिळाल्याशिवाय मी जिल्हाधिकारी कार्यालयातून जाणार नाही’

‘मला न्याय मिळाल्याशिवाय मी जिल्हाधिकारी कार्यालयातून जाणार नाही तसेच माझ्यावर अन्याय करणाऱ्यांना कठोर शिक्षा झाली पाहिजे’, असा आक्रमक पवित्रा आंदोलक पिडीत महिला प्रतिभा परदेशी यांनी घेतला होता. यामुळे महिला पोलीस कर्मचारी जोपर्यंत येत नाहीत तोपर्यंत आंदोलक महिला प्रतिभा परदेशी यांना रोखून ठेवण्यात आले त्यांच्याकडे असलेली पाच लिटर रॉकेलचा कॅन आणि बॅग पोलिसांनी ताब्यात घेतला असून त्यांना अटक करण्यात आली.

आंदोलने, तक्रारी करूनही न्याय मिळत नाही

गावातील लोकप्रतिनिधी यांच्याकडून सतत होणारा त्रास तसेच पोलीस प्रशासनातील अधिकारी आमची बाजू समजून घेत नसून सातत्याने माझ्यावर अन्याय होत असून अनेकदा आंदोलने, तक्रारी करूनही न्याय मिळत नसल्याचं प्रतिभा परदेशी यांनी सांगितलं.