एलन मस्कच्या स्पेसएक्सचा विक्रम! ४ सामान्य नागरिकांना अंतराळात पाठवले
फ्लोरिडा – अमेरिकेतील अब्जाधीश उद्योगपती एलन मस्कच्या एरोस्पेस कंपनीच्या स्पेसएक्सने ४ सामान्य माणसांना अंतराळात पाठवून अंतराळ मोहिमेत एक नवा इतिहास रचला. स्पेसएक्सने आज जगातील पहिल्या सर्व नागरी स्क्रूसह प्रेरणा-४ मोहीम अंतराळात पाठवून नवा विक्रम केला आहे. अमेरिकेतील फ्लोरिडाच्या केनेडी स्पेस सेंटरमधून भारतीय वेळेनुसार आज सकाळी ५.३० वाजता फाल्कन-९ रॉकेट ४ जणांना घेऊन अंतराळात झेपावले. हे हौशी अंतराळवीर पृथ्वीपासून ३५७ मैल उंचीवर प्रवास करत आहेत. ते खासगी अंतराळयानात ३ दिवस पृथ्वीच्या कक्षेत राहतील. या अंतराळ मोहिमेचे वैशिष्ट्य म्हणजे यात एकही व्यावसायिक अंतराळवीर नाही.
स्पेसएक्सने प्रेरणा-४ ही विशेष अंतराळ मोहीम आयोजित केली आहे. या अंतराळ मोहिमेचे वैशिष्ट्य म्हणजे यात एकही व्यावसायिक अंतराळवीर नाही. सर्वजण सामान्य नागरिक आहेत. अमेरिकेतील बडे व्यापारी जरेड इसाकमन यांनी या मोहिमेच्या खर्चाचा बोजा उचलला आहे. तीन सामान्य नागरिकांची निवड करून त्यांनी ही अंतराळ सहल आयोजित केली आहे. फाल्कन-९ रॉकेटने स्पेसएक्सच्या क्रू ड्रॅगन कॅप्सूलमधून हे नागरिक अंतराळात झेपावले. ३८ वर्षांचे इसाकमन शिफ्ट फॉर पेमेंटस् नावाच्या कंपनीचे संस्थापक आहेत. ते या मोहिमेचे मिशन कमांडर आहेत. अनेक वर्षांपासून अंतराळात जाण्याचे त्यांचे स्वप्न होते. त्यांची कंपनी बँकांचे व्यवहार पूर्ण करण्यासाठी दुकाने आणि हॉटेलांना सेवा देते. वयाच्या १६व्या वर्षी त्यांनी तळघरातून ही कंपनी सुरू केली होती. हलक्या जेटमधून जगभर फिरण्याचा विक्रम त्यांनी केला आहे.