breaking-newsताज्या घडामोडीमहाराष्ट्र
नाशिकच्या वणीत ट्रॅक्टरचा भीषण अपघात, ५ जणांचा मृत्यू, चिमुकली गंभीर
नाशिक: नाशकातील वणी-मार्कंडेय पर्वताच्या पायथ्याशी ट्रॅक्टर आणि चारचाकीचा भीषण अपघात झालाय. या अपघातात ५ जणांचा जागीच मृत्यू झाला आहे. ट्रॅक्टर उलटून अल्टो कारवर पडल्याने हा भीषण अपघात झाला. अपघातात १० ते १५ जण जखमी झाल्याची माहिती आहे. जखमींना वणी ग्रामीण रुग्णालयात दाखल करण्यात आले आहे. तर, अपघातातील मृतांचा आकडा वाढण्याची भीती वर्तवण्यात येत आहे. या अपघातात एक चिमुकलीही गंभीर जखमी झाली आहे. तिला तात्काळ जिल्हा रुग्णालयात दाखल केले आहे. यावेळी घटनास्थळी मोठी गर्दी जमली होती.