breaking-newsपुणे

सारसबाग चौपाटीवरील अतिक्रमणे हटवली

पुणे – महापालिकेच्या अतिक्रमणविरोधी विभागाने सारसबाग चौपाटीवर जोरदार कारवाई करून ४५० खुर्च्या, २५० टेबल जप्त करत ‘जेसीबी’च्या मदतीने येथील स्टॉलसमोर उभारलेले शेड पाडले. या ठिकाणी पुन्हा अतिक्रमण केल्यास संबंधित व्यावसायिकांचे परवाने रद्द करण्याची समजही या व्यावसायिकांना देण्यात आली आहे. महापालिकेने शहरात सगळीकडेच कारवाई सुरू केली असून, शुक्रवारी झालेली कारवाई त्याचाच एक भाग असल्याचे अतिक्रमणविरोधी पथकाचे उपअभियंता किशोर पडाळ यांनी सांगितले.

सारसबागेचे असलेले महत्त्व, प्रसिद्धी यामुळे येथे येणाऱ्या पर्यटकांची संख्या मोठ्या प्रमाणात असते. या ठिकाणच्या चौपाटीवरही पर्यटकांकडून गर्दी करण्यात येते. त्यामुळे व्यावसायिकांकडून स्टॉलसमोर शेड उभारून

टेबल-खुर्च्या मांडून व्यवसाय करतात. महापालिकेने बेकायदा उभारणाऱ्या शेडवर कारवाई करण्याचा निर्णय घेतला होता. त्यासाठी पडाळ यांच्या नेतृत्वाखाली ५० कर्मचारी, सहा ट्रक, पोलिस, जेसिबी या लवाजम्यासह सारसबागेत कारवाई करण्यात आली. महापालिका कर्मचाऱ्यांनी या वेळी या चौपटीवरील ४५० खुर्च्या, २५० टेबल जप्त केल्या आहेत.

महापालिकेने शुक्रवारी दुपारी तीनच्या सुमारास अचानक कारवाई करून ‘जेसीबी’च्या मदतीने येथे उभारलेले शेड तोडल्या आहेत. व्यावसायिकांकडून शेड काढण्यासाठी वेळ मागण्यात येत होता. मात्र, महापालिका कारवाई करण्याच्या पूर्ण तयारीत असल्याचे पाहिल्यावर काही व्यावसायिकांनी ‘जेसीबी’समोर उभे राहून विरोध करण्याचा प्रयत्न केला. या वेळी पोलिसांनी संबंधितांना बाजूला काढल्याने महापालिकेने अतिक्रमणविरोधी कारवाई पूर्ण केली. या ठिकाणी पुन्हा अतिक्रमण करू नये, अशी स्पष्ट सूचना येथील व्यावसायिकांना देण्यात आल्या आहेत.

 

Job AlertJob Alert Job Alert Job Alert

Related Articles

Leave a Reply

Your email address will not be published. Required fields are marked *

Back to top button