वडाळा येथे मिथेनॉल टँकरला भीषण आग, चालकाचा होरपळून मृत्यू

मुंबईतील वडाळा येथे मिथेनॉल घेऊन जात असलेल्या टँकरचा अपघात होऊन भीषण आग लागल्याने एकाचा होरपळून मृत्यू झाला आहे. ही घटना सोमवारी रात्री १०.४५ च्या सुमारास आयमॅक्स सिनेमाजवळ घडली. टँकर उलटल्यानंतर अचानक आग लागली व बघता बघता आगीने रौद्ररुप धारण केले. या आगीत टँकर चालकाचा मृत्यू झाला. प्रताप असे टँकर चालकाचे नाव असल्याचे सांगण्यात येते. आग विझविण्यासाठी घटनास्थळी आगीचे ५ बंब रवाना झाले. मिथेनॉलच्या टँकरला आग लागल्यामुळे परिसरातील नागरिकांमध्ये भीतीचे वातावरण पसरले होते. रात्री उशिरा आग विझविण्यात आली. पोलीस पुढील तपास करत आहेत.

Express photo by Prashant Nadkar, Monday, 26th November 2018, Mumbai

पोलिसांनी दिलेल्या माहितीनुसार, एका टेम्पोला ओव्हरटेक करण्याच्या प्रयत्नात नॅशनल कॅरियर ट्रान्सपोर्ट कंपनीच्या टँकरने (एमएच ४३ वाय २७३३) मागून धडक दिली. धडकेमुळे टँकर उलटला आणि अचानक पेट घेतला. यात टँकरचालक प्रताप (वय ५०) याचा जागीच मृत्यू झाला असल्याची माहिती वडाळा पोलीस ठाण्याचे वरिष्ठ पोलीस निरीक्षक काटकर यांनी दिली.

टँकरमध्ये मिथेनॉल होते. आम्ही जेव्हा घटनास्थळी पोहोचलो होतो. तेव्हा टँकरने पेट घेतला होता. टँकर चालकाचा मृत्यू झाला होता. आता परिस्थिती नियंत्रणात असे, अग्निशमन अधिकारी ए एच सावंत यांनी सांगितले.

The tanker was filled with Methanol and when we reached the spot the tanker had toppled and was on fire. The driver of the tanker was churned to death. Situation is under control now: AH Sawant, fire officer on yesterday’s fire in Wadala, Mumbai. #Maharashtrapic.twitter.com/7hPvFejKvU

— ANI (@ANI) November 26, 2018