राष्ट्रवादीच्या पिंपरी-चिंचवड शहर जिल्हा कामगार सेल अध्यक्षपदी किरण देशमुख
- शहराध्यक्ष संजोग वाघेरे यांच्या हस्ते नियुक्तीपत्र प्रदान
पिंपरी | महाईन्यूज | प्रतिनिधी
प्रजासत्ताक दिनाचे औचित्य साधत पिंपरी येथील राष्ट्रवादी काँग्रेस कार्यालयात ध्वजारोहण करण्यात आले. त्यानंतर राष्ट्रवादी काँग्रेस पिंपरी-चिंचवड शहर जिल्हा कामगार सेलच्या अध्यक्षपदी किरण चंद्रकांत देशमुख यांची नियुक्ती करण्यात आली.
यावेळी पक्षाचे पिपरी-चिंचवड शहर अध्यक्ष संजोग वाघेरे पाटील यांच्या हस्ते नियुक्ती पत्र प्रदान करण्यात आले. या कार्यक्रमात राष्ट्रवादी काँग्रेस संघटक व कामगार नेते अरुण बो-हाडे, महाराष्ट्र प्रदेश कामगार सेलचे अध्यक्ष शिवाजीराव खटकाळे, राष्ट्रीय श्रमिक एकता महासंघाचे अध्यक्ष किशोर ढोकले यांच्या मार्गदर्शनाखाली तसेच पक्षाचे इतर सेलचे पदाधिकारी व कार्यकर्त्यांच्या उपस्थितीत किरण चंद्रकांत देशमुख यांनी पदभार स्वीकारला. यावेळी पक्षाचे प्रवक्ते फाजल शेख , ज्येष्ठ नेते महमद पानसरे, शिक्षण मंडळ माजी अध्यक्ष विजय लोखंडे, लिगल सेल अध्यक्ष गोरक्ष लोखंडे, दत्तात्रय जगताप, महिला पदाधीकारी कविता खराडे, निर्मला माने, मनिषा घटकळ, शिल्पा बिडकर आदी उपस्थित होते.
“पिंपरी-चिंचवडची ओळख ही कामगारनगरी आसल्याने कामगारांचे हिताचे प्रश्न सोडवण्यासाठी कायम कटिबध्द व तत्पर राहीन. पक्षाने दिलेली ही जबाबदारी फार मोठी आहे, या उद्योगनगरीतील कामगाराच्या सर्वांगीण हितार्थ सतर्क राहून “कामगार हिताय कामगार सुखाय” हे ब्रीद घेऊन सदैव कार्यरत राहीन,” असे मत किरण चंद्रकांत देशमुख यांनी मांडले.
पक्षाचे अध्यक्ष व प्रेरणास्थान शरदचंद्र पवार, उपमुख्यमंत्री अजित पवार, कामगार मंत्री दिलीप वळसे पाटील, खासदार सुप्रिया सुळे व पदाधिकाऱ्यांचे त्यांनी आभार मानले.
