राष्ट्रवादीचे आमदार हणमंतराव डोळस यांचं निधन
- मुंबईत सैफी हॉस्पिटलमध्ये घेतला अखेरचा श्वास
पुणे – माळशिरसचे राष्ट्रवादी काँग्रेसचे आमदार हनुमंतराव डोळस यांचे आज (मंगळवारी) निधन झाले. मुंबईत सैफी हॉस्पिटलमध्ये घेतला अखेरचा श्वास घेतला. आमदार डोळस यांच्या पार्थिवावर उद्या (१ मे) सकाळी 10 वाजता दसूर (ता. माळशिरस) येथे अंत्यसंस्कार करण्यात येणार आहेत.
हनुमंतराव डोळस हे विकास कामांविषयी व विधिमंडळ कामकाजाविषयी अत्यंत आस्था असलेले आमदार होते. त्यांच्या निधनाने पक्षाची व माळशिरस तालुक्याची मोठी हानी झाली आहे. डोळस कुटुंबियांच्या दुःखात आम्ही सहभागी आहोत, अशा शब्दात राष्ट्रवादी काँग्रेसचे प्रदेशाध्यक्ष जयंत पाटील यांनी ‘ट्विटर’च्या माध्यमातून श्रध्दांजली अर्पण केली आहे.
शरद पवार यांनी रद्द केला दुष्काळी दौरा.
आमदार हनुमंत डोळस यांच्या निधनामुळे राष्ट्रवादी काँग्रेसचे अध्यक्ष शरद पवार यांनी दुष्काळी दौरा रद्द केला आहे. सांगोला तालुक्यातील अजनाळे येथून पवार परत जाणार आहे. पवार यांचा आज सांगोला, मंगळवेढा, सोलापूर आणि उद्या उस्मानाबाद जिल्ह्याचा दौरा होता.