‘महाईन्यूजचा गणपती’: ‘कोरोनाचे संकट लवकरात लवकर दूर व्हावं’; भाजपा प्रसिद्धी प्रमुख संजय पटनी यांचे बाप्पाचरणी साकडे
पिंपरी-चिंचवड|प्रतिनिधी|
महाईन्यूजने साजरा केलेल्या पर्यावरणपूरक गणेशोत्सवाचे कौतूक करत ‘कोरोनाचे संकट लवकरात लवकर दूर करावं’ असं भाजपा पिंपरी-चिंचवडचे प्रसिद्धी प्रमुख संजय पटनी यांनी बाप्पाचरणी साकडं घातलं आहे.
कोरोनाच्या पार्श्वभूमीवर गणेश उत्सव साधेपणाने साजरा करण्याचा निर्णय ”महाईन्यूज”ने घेतला आहे. त्यानुसार तुरटीपासून बनविलेली पर्यावरणपूरक गणेश मुर्ती कार्यालयात बसवण्यात आली आहे. पिंपरी-चिंचवड शहरातील मान्यवरांना गणरायांची आरती करण्याचा मान दिला जात आहे. आज आरती करण्याचा मान भाजपा पिंपरी-चिंचवडचे प्रसिद्धी प्रमुख संजय पटनी यांना देण्यात आला. यावेळी कूल एक्वा कंपनीचे संचालक घाडगे, रणवीर फॅसिलिटी मॅनेजमेंटचे संचालक स्वप्निल भांडवलकर हे देखील उपस्थित होते.
कोरोना विषाणूच्या महामारीत आपणाला अत्यंत साध्या पध्दतीने आणि पर्यावरणपूरक गणेशोत्सव साजरा करावा लागत आहे.दरम्यान यावेळी उपस्थित मान्यवरांनी महाईन्यूजने साजरा केलेल्या पर्यावरणपूरक गणेशोत्सवाचे कौतूकही केले.तसेचं इतर कार्यालयीन कामांबाबत आढावाही घेतला.