भारतातील लाखो लोकांच्या क्रेडिट आणि डेबिट कार्डची माहिती डार्क नेटवर विकली जात आहे.
भारतातील लाखो लोकांचे क्रेडिट आणि डेबिट कार्ड धोक्यात आहेत. सुमारे साडेचार लाख क्रेडिट आणि डेबिट कार्डची माहिती डार्क नेटवर (स्पाय वेबसाइट) विकली जात आहे. हा खुलासा सायबर सिक्युरिटी फर्म ग्रूप-आयबीने केला आहे. ही सिंगापूरची एक सायबर सिक्युरिटी कंपनी आहे.
आयबीने ४,६०००० हून अधिक क्रेडिट आणि डेबिट कार्डसह एक अशा डेटाबेसची माहिती मिळवली आहे, जी ५ फेब्रुवारीला डार्कबेव जोकर्स स्टाशवर अपलोड करण्यात आली आहे. यापैकी ९८ टक्केपेक्षा जास्त कार्ड भारतातील नावाजलेल्या बँकांचे आहेत. विकण्यात येत असलेल्या माहितीत कार्ड नंबरसह सीव्हीव्ही कोडचाही समावेश आहे.
भारतीय कार्डधारकांच्या नोंदींचा अपलोड केलेला आतापर्यंतचा दुसरा सर्वांत मोठा रेकॉर्ड आहे. कार्डची माहिती अपलोड केल्याचे प्रकरण मागीलवर्षी ऑक्टोबरमध्ये समोर आले होते.
डार्कनेटवर विकण्यात येत असलेल्या माहितीची किंमत ही सुमारे ४.२ मिलियन डॉलर म्हणजेच सुमारे ३० कोटी रुपयांपेक्षाही अधिक आहे. ही महत्त्वाची माहिती स्पाय वेबसाइटकडे कशी पोहोचली हे अद्याप समजू शकलेले नाही.
ग्रूप आयबीने म्हटले की, त्यांनी डेबिट-क्रेडिट कार्डची माहिती विकल्या गेल्याबाबत इंडियन कॉम्प्यूटर इमर्जन्सी रिस्पॉन्स टीमला (सीईआरटी-इन) सांगण्यात आले आहे. डार्क नेट अशा स्पाय वेबसाइट्स असतात की, ज्यांच्या आड मादक पदार्थांची तस्करी आणि इतर बेकायदा कामे केले जातात.
