breaking-newsताज्या घडामोडीपुणे

पुण्याचे पाणी संकट पालकमंत्र्याचे महापाप – मोहन जोशी

पुणे – ‘पुण्याच्या पाणी टंचाईला पालकमंत्री गिरीश बापट यांचा नियोजनशून्य कारभार कारणीभूत आहे. लोकसभा निवडणुकीत दौंड विधानसभा मतदारसंघातून भारतीय जनता पक्षाला मते मिळावी यासाठी त्यांनी बारामती मतदारसंघात मोठ्या प्रमाणात पाणी सोडले. बापट यांनी पुण्याच्या पाणी पुरवठ्याबाबत केलेले हे महापाप असून त्यांनी पुणेकरांची फसवणूक केली असल्याची टीका काँग्रेसचे लोकसभेचे उमेदवार आणि माजी आमदार मोहन जोशी यांनी केली आहे.

पुण्यात पाणीकपातीच्या हालचालींनी वेग घेतला आहे. धरणातील पाणीसाठी कमी झाल्याने ३० जुलैपर्यंत पाणी पुरविण्याचे नियोजन जलसंपदा आणि महापालिका प्रशासनाकडून करण्यात येत असून, त्यामुळे शहराच्या पाणी पुरवठ्यात अधिक कपातीचा निर्णय घेण्याची शक्यता आहे. ही पाणी कपात झाल्यास शहरात दिवसाआड पाणी पुरवठा होऊ शकतो. या पार्श्वभूमीवर जोशी यांनी पालकमंत्री बापट यांच्यावर टीका केली. गेल्या पावसा‌ळ्यात पुरेसा पाऊस पडला, धरणे ओसांडून वाहिली असतानाही पुण्यात पाणी कपातीची वेळ का आली? असा प्रश्न उपस्थित करून बापट यांच्या नियोजनशून्य कारभारामुळे पुणे शहराला टंचाईला सामोरे जावे लागत असल्याची टीका जोशी यांनी केली आहे. पत्रकार परिषदेतून त्यांनी बापटांवर निशाणा साधला.

‘बापट यांनी पुणेकरांची फसवणूक केली असून, पुणेकर त्यांना योग्य ते उत्तर देतील,’ असा दावाही जोशी यांनी पत्रकार परिषदेत केला. लोकसभा निवडणुकीदरम्यानही काँग्रेसने पुण्याच्या पाणी प्रश्नाबाबत आग्रही भूमिका मांडली होती, असेही त्यांनी सांगितले.

दरम्यान,  पुण्याच्या पाण्याचा कोटा वाढवून देण्यासंदर्भात सत्ताधाऱ्यांनी काहीच केलेले नाही. पुण्याच्या पाण्यात कपात सुरू करण्यापूर्वीपासून काँग्रेसने या विषयात भूमिका घेऊन कपात होणार नाही, याबाबत काळजी घेण्याच्या सूचना केल्या होत्या. त्यानंतर गेली सहा महिने सातत्याने आवर्तनाद्वारे पाणी सोडण्यात आले असून, त्यामुळे पुणेकरांना टंचाईला सामोरे जावा लागते आहे. पाण्याच्या नियोजनात गोंधळ आहे की सत्ताधारी पाण्याआडून आणखी काही कट रचत आहेत, हे समजत नसल्याची टीका काँग्रेस प्रदेश सरचिटणीस अॅड. अभय छाजेड यांनी केली आहे.

Job AlertJob Alert Job Alert Job Alert

Related Articles

Leave a Reply

Your email address will not be published. Required fields are marked *

Back to top button