breaking-newsTOP Newsताज्या घडामोडीपुणे

पुणे, पिंपरी-चिंचवडमधील जम्बो रुग्णालये बंद करण्याचा निर्णय?

पुणे |महाईन्यूज|

शिवाजीनगरच्या जम्बो रुग्णालयातील रुग्ण नायडू, बाणेर व ससून रुग्णालयांत उपचारांसाठी दाखल करावेत, तसेच पिंपरीतील जम्बो रुग्णालयातील रुग्ण वायसीएम रुग्णालयात स्थलातंर करावेत. त्यामुळे जम्बो रुग्णालये तात्पुरत्या स्वरूपात बंद करण्याचा निर्णय घेण्यात आला आहे, अशी माहिती सूत्रांनी दिली.

पालकमंत्री अजित पवार यांनी करोनाच्या नवीन विषाणूच्या पार्श्वभूमीवर आढावा बैठकीचे आयोजन केले होते. जम्बो रुग्णालयात झालेल्या हाणामाऱ्या, या रुग्णालयातील कर्मचाऱ्यांच्या वेतनावरून झालेली आंदोलने, सध्याच्या परिस्थितीत घटलेली रुग्णसंख्या या पार्श्वभूमीवर जम्बो रुग्णालय तात्पुरत्या स्वरूपात बंद करण्याबाबत या बैठकीत चर्चा झाली.

राज्य सरकारकडून जम्बो रुग्णालयासाठी ११० कोटी रुपये येणे अपेक्षित होते. मात्र, अद्यापपर्यंत केवळ ५० कोटी रुपये आले असल्याचे उपस्थित उच्चपदस्थ अधिकाऱ्यांनी पालकमंत्र्यांना सांगितले. ‘जम्बो’मधील समस्यांवर चर्चा करताना येथे झालेल्या हाणामारीची वस्तुस्थितीही पवार यांच्यापुढे कथन करण्यात आली.

शिवाजीनगरच्या जम्बो रुग्णालयात सध्या उपचार घेत असलेल्या रुग्णांना नायडू, बाणेर आणि ससून रुग्णालयात दाखल करावे, तसेच पिंपरी येथील जम्बो रुग्णालयातील रुग्णांना ‘वायसीएम’ रुग्णालयात दाखल करण्याचे नियोजन करण्याच्या सूचना या वेळी देण्यात आल्या.

संसर्गाच्या दुसऱ्या लाटेची आणि विषाणूची भीती कायम असल्याने या रुग्णालयांतील पायाभूत सुविधा या तशाच ठेवाव्यात. मात्र, येथील व्यवस्थापन आणि उपचार सध्या बंद करावेत. दुर्देवाने गरज भासली, तर परत ही रुग्णालये सुरू करता येतील, याची काळजी घेण्याच्या सूचनाही देण्यात आल्या आहेत.

Job AlertJob Alert Job Alert Job Alert

Related Articles

Leave a Reply

Your email address will not be published. Required fields are marked *

Back to top button