breaking-newsTOP Newsताज्या घडामोडीपिंपरी / चिंचवड

पिंपरी पोलीस ठाण्याच्या आवारातील बेवारस वाहनांना भीषण आग

पिंपरी / महाईन्यूज

पिंपरी पोलीस ठाण्याच्या आवारातील वाहनांना अचानक आग लागल्याने खळबळ उडाली आहे. या आगीत 7 वाहने जळून खाक झाली आहेत. तर, काही वेळानंतर स्फोट होऊ लागले आहेत. ही आग नेमकी कशामुळे लागली हे अद्याप स्पष्ट झालेले नाही. घटनास्थळावर बघ्यांची गर्दी झाली आहे.

पिंपरी पोलीस ठाणे हे अत्यंत वर्दळीच्या महामार्गावर आहे. बाजुलाच चिंचवड स्टेशन चौक असून काही अंतरावर पेट्रोल पंप देखील आहे. या आगीमुळे अन्य नुकसान तर होणार नाही ना, अशी भिती व्यक्त केली जात आहे. याठिकाणी सुमारे 50 चारचाकी वाहने लावलेली आहेत. तर, सुमारे 100 हून अधिक दुचाकी वाहने आहेत. ही सर्व वाहने गुन्हेगारी कृत्यासाठी वापरण्यात आलेली असून कारवाई केल्यानंतर ताब्यात घेतलेली आहेत.

मोटारी आणि दुचाक्या असल्यामुळे थोड्या-थोड्या वेळाने स्फोट होत आहेत. आगीने रौद्ररुप धारण केले असून आगीवर नियंत्रण घेण्यासाठी अग्निशामक दलाचे बंब घटनास्थळी रावाना झाले आहेत. तब्बल 20 मिनिटांपूर्वी ही आग लागलेली आहे.

Job AlertJob Alert Job Alert Job Alert

Related Articles

Leave a Reply

Your email address will not be published. Required fields are marked *

Back to top button