पिंपरी चिंचवडमध्ये आढळले नव्या कोरोना स्ट्रेनचे 3 रुग्ण, आरोग्यमंत्र्यांची माहिती
पिंपरी चिंचवड – ब्रिटनमध्ये कोरोना व्हायरसचा नवीन प्रकार आढळल्यानंतर महाराष्ट्रात त्वरित खबरदारीचे उपाय करण्यात आले होते. असे असले तरीही राज्यात या नव्या कोरोना व्हायरसची लागण झालेले रुग्ण आढळत असल्याने राज्य सरकारची चिंता वाढली आहे.
वाचा :-पुण्याचे जवान संभाजी राळे यांना अरुणाचल प्रदेशात वीरमरण
या नव्या प्रकाराची लागण झालेले आणखी 3 रुग्ण राज्यात आढळले आहेत व हे तिन्ही रुग्ण पिपंरी-चिंचवडमधील आहे. याबाबत आरोग्यमंत्री राजेश टोपे यांनी ट्विट करत माहिती दिली. यामुळे आता पिंपरी-चिचंवडकरांची चिंता वाढली आहे.
राजेश टोपेंनी ट्विट करत सांगितले की, ब्रिटनमधील नवीन कोरोना स्ट्रेनचे राज्यात आणखी 3 प्रवाशी आढळले. तिनही प्रवाशी पिंपरी चिंचवडचे असून नव्या कोरोना स्ट्रेनचे राज्यात आता एकूण 11 प्रवाशी झाले आहेत.
वाचा :-मुख्यमंत्री उद्धव ठाकरे आज पूर्व विदर्भाच्या दौऱ्यावर
दरम्यान, आज केंद्र शासनाच्या मार्गदर्शक सुचनांनुसार महाराष्ट्रातील 30 जिल्हे आणि 25 महानगरपालिका क्षेत्रांमध्ये कोरोना लसीकरणासाठी ड्राय रन मोहिम राबविण्यात येणार आहे. प्रत्येक जिल्ह्यांमध्ये 3 आरोग्य संस्था आणि प्रत्येक महानगरपालिकेमध्ये 1 आरोग्य संस्था याठिकाणी हा ड्राय रन घेण्यात येणार आहे.
